[᭒᭓ 23B]
᭒᭓
ᬮᬫᬸᬦ᭄ᬓᬾᬢᭀᬚᬮᬦ᭄ᬓᬚᬸᬫᬄᬩᬶᬩᬶᬳᬶᬭᬶᬓᬚ᭄ᬯᬵᬫᬕ᭄ᬦᬄ᭟ᬩᬶᬩᬶᬩᬮᬸᬢᬹᬃᬭᬶᬂᬧᬤᬶᬤᬶᬳᬶᬬᬾᬦ᭄ᬤᬶᬚᬸᬫᬄᬢ᭄ᬯᬭᬗ᭄ᬮᬄᬧ᭄ᬬᬦᬓ᭄ᬭᬳᬤᬾᬦ᭄ᬫᬦ᭄ᬢ᭄ᬭᬶᬲ
ᬩ᭄ᬥᬦᬾᬬᬾᬦ᭄ᬩᬶᬩᬶᬳᬶᬘᬵᬦᬸᬥᬸᬓ᭄ᬢᬶᬢ᭄ᬬᬂᬦᬶᬱ᭄ᬝᬵᬢᬸᬃᬲᬧᬸᬦᬶᬓᬶᬢᬶᬢ᭄ᬬᬂᬲᬳᬶᬭᬶᬂᬧᬶᬲᬦ᭄ᬳᬸᬲᬦᬾᬫᬜ᭄ᬓᬸᬮ᭄ᬳᬶᬤᬕᬂᬦᬲᬶᬬᬩᬸᬤᬮ᭄ᬮᬦ᭄ᬭᬳ
ᬤ᭄ᬬᬦ᭄ᬳᬶᬲᭀᬓᬢ᭄ᬯᬭᬵᬤᬓᬭᬶᬲᬵᬫ᭄ᬧᬸᬦ᭄ᬭᬵᬯᬸᬄᬤᬶᬚᬸᬫᬄ᭟ᬭᬭᬶᬲ᭄ᬫᬦᬸᬳᬸᬦᬂᬲᭀᬓᬲᬶᬦᬾᬕ᭄ᬮᬶᬲ᭄ᬗᬸᬮᬶᬕᬫ᭄ᬩᬸᬄᬓᬓᭀᬲᭀᬓ᭄ᬮᬦ᭄ᬯᭂᬤᬓ᭄ᬭᬭᬶ
ᬲ᭄ᬫᬗᬫ᭄ᬩᬸᬳᬶᬦ᭄ᬳᬕᬾᬭᬫ᭄ᬩᬸᬢᬾᬕᬾᬫ᭄ᬧᬾᬮ᭄ᬗᬫ᭄ᬧᬸᬮᬸᬓ᭄ᬓᬩᬶᬲ᭄ᬩᬶᬲᬶᬦ᭄ᬓᬢᬸᬭᬸᬯᬶᬦ᭄ᬯᬭᬶᬄᬲᬵᬫ᭄ᬧᬸᬦ᭄ᬳᬸᬲᬦ᭄ᬬᬫᬲᬶᬭᬵᬫ᭄ᬳᬶᬲᭀᬓᬯᬸᬲ᭄ᬫᬦ᭄ᬤᬸᬲ᭄
[᭒᭔ 24A]
ᬫᬭᬗ᭄ᬮᬳᬶᬢᬗᬦ᭄ᬤᬶᬧᬗ᭄ᬭᬱᬵᬓᬲᬾᬳᬶᬦ᭄ᬮᭀᬦ᭄ᬥᭀᬂᬩᬸᬕᬶᬲ᭄ᬫᬲᬩᬸᬓ᭄ᬲᬸᬢ᭄ᬭᬵᬲᬫ᭄ᬫᬃ᭟ᬦᬗ᭄ᬳᬶᬂᬳᬶᬬᬂᬲᭀᬓᬭᬭᬶᬲ᭄ᬓᬳᭂᬲᬾᬳᬶᬦ᭄ᬓᬫ᭄ᬩᭂᬦ᭄ᬗᬭᬵᬓ᭄ᬫᬲᬩᬸ
ᬓ᭄ᬳᬶᬬᬲᬲᬓ᭄ᬮᬾᬫ᭄ᬧᭀᬢ᭄ᬗᬦᬂᬫᬯᬱ᭄ᬝᬵᬦᬾᬫᬲᬗ᭄ᬓᬸᬳᬸᬩ᭄ᬧᬸᬢᬶᬳᬮᬸᬲ᭄ᬓᬩᭀᬭᬾᬳᬶᬦ᭄ᬫᬓᬓᬮᬶᬄᬲ᭄ᬮᬶᬤ᭄ᬲᬜ᭄ᬚᬲᬧᬸᬦᬶᬓᬳ᭄ᬦᬫᭂᬫᬮᬫᬸᬭᬸᬤ᭄ᬢ᭄ᬯᬭᬵᬤ᭄ᬥ
ᬢ᭄ᬮᬳᬤᬶᬦᬵᬭᬤᬾᬦ᭄ᬫᬦ᭄ᬢ᭄ᬭᬶᬧᬶᬲᬕ᭄ᬩᬧᬤᬗ᭄ᬥᬾᬓᬶᬦ᭄ᬗᬓᬮ᭄ᬳᬧᬬᬳᬚᬓ᭄᭟ᬫ᭄ᬮᬄᬩᬗ᭄ᬓᬾᬦᬾᬤᬶᬲ᭄ᬫᬳᬩᬫᬸᬮᬶᬄᬬᬕᬯᬾᬦᬂᬬᬳᬗ᭄ᬤᭀᬦ᭄ᬗᬩᬗ᭄ᬤᬦ᭄
ᬚᬦ᭄ᬫᬦᬾᬩᬸᬓᬵᬳᬶᬓᬾᬦᬾᬓᬩᬤᬾᬫᬢᬶᬗᬸᬬᬸᬓ᭄ᬫᬓᭀᬳᬦ᭄ᬗᭂᬓᬸᬢᬦ᭄ᬳᬕᬶᬕᬶᬲ᭄ᬦ᭄ᬢᭀᬳᬯᬫ᭄ᬗᬄᬳᬗᬧ᭄ᬚᬄᬬᬾᬜᬳᬸᬭᬶᬧ᭄ᬗᬾᬲᬸᬓ᭄ᬚ
Kaca:Bali-lontar-gaguritan-ambarapati-300ppi.pdf/24
Kaca puniki sampun kauji-wacén
