[᭗᭕ 75B]
᭗᭕
ᬫ᭄ᬩᬾᬧᬸᬧᬸᬢ᭄ᬭ᭞ᬥᬲᬃᬯᬃᬡ᭄ᬦᬦ᭄ᬦᬶᬭᬧ᭄ᬓᬶᬓ᭄᭞ᬓᬶᬬᬓᬸᬤᬕ᭄ᬓ᭄ᬬᬢ᭄ᬢᬶᬂᬗ᭄ᬭᬢ᭄ᬱᬸᬫ᭄ᬪᬕᬕᬸᬦᬵ᭟᭠ᬫᬸᬂᬧᬶᬦᬸᬕᬸᬢ᭄ᬳᬶᬗ᭄ᬕᬮ᭄ᬮᬶᬂᬘᬭᬶᬢᬦᬶᬧᬸᬦ᭄᭞ᬲᬂᬚᬓᬲᬗ᭄ᬓᬮ᭞ᬬᬸᬲ᭄ᬯᬓᬮᬶᬄᬯ᭄ᬮᬲ᭄ᬯᬃᬰᬶ᭞ᬓᬲᬸ
ᬩ᭄ᬳᬶᬂᬭᬾᬄᬫᬸᬫ᭄ᬧᬸᬦᬶᬳᬶᬂᬓᬧ᭄ᬭᬯᬶᬭᬦ᭄᭟ᬩᬬᬳᬶᬓᬸᬢᬸᬫᬸᬲ᭄ᬱᬶᬂᬢ᭄ᬭᬄᬪᬵᬝᬵᬭᬕᬸᬂ᭞ᬥᬲᬃᬓᬯᬶᬫ᭄ᬩᬸᬄᬳᬦ᭄᭞ᬤᬾᬦᬶᬂᬓᬂᬗᬾᬬᬂᬧᬶᬦᬃᬤᬶ᭞ᬳᬗ᭄ᬕᬸᬕᬸᬭᬸᬥᬸᬫᬢᭂᬂᬧᬭᬗᬸᬮᬫ
᭟ᬓᬂᬯᬸᬲ᭄ᬧᬸᬢᬸᬲ᭄ᬫ᭄ᬭᬶᬂᬳᭂᬫ᭄ᬧᬦ᭄ᬦᬶᬂᬓᬯ᭄ᬭᬸᬄᬮᬸᬳᬸᬂ᭞ᬲᬓᭂᬧᬧ᭄ᬭᬸᬲ᭄ᬮᬶᬫ᭄ᬧᬢ᭄᭞ᬬᬢᬳᬶᬂᬲᬯᬶᬚᬶᬳᬭᬶ᭞ᬲᬶᬭᬚᬓᬲᬂᬗ᭄ᬓᬮᬫᬋᬓᬶᬂᬭᬾᬦᬵ᭟ᬦᬸᬮ᭄ᬬᬫᬢᬸᬃᬥᬸᬄᬳᬶᬩᬸᬳᬫ᭄ᬩᬦᬸᬓᬸ᭠
ᬯᬸᬦ᭄᭞ᬫᬸᬕᬶᬮᬶᬦᭂᬧᬢ᭄ᬦ᭞ᬲᬓᬶᬂᬲᬶᬓᬸᬢᬸᬮᬓ᭄ᬱᬭᬶᬓ᭄᭞ᬳᬫ᭄ᬩᬓᬫᬶᬧᬸᬭᬸᬦ᭄ᬫᬢᬹᬃᬭᬶᬂᬧᬤᬸᬓᬵ᭟ᬭᬾᬄᬦᬶᬂᬲᬵᬫ᭄ᬧᬸᬦ᭄ᬓᬧ᭄ᬭᬄᬫᬭᬸᬱᬵᬲᬯᭂᬕᬸᬂ᭞ᬫᬱᬶᬮᬬᬄᬭᬾᬦᬵ᭟
[᭗᭖ 76A]
ᬫᬗ᭄ᬓ᭄ᬬᬫ᭄ᬩᬦᬸᬯᬸᬦ᭄ᬢᬶᬦᬢᬶᬦ᭄᭞ᬮᬄᬢᬲᬶᬦ᭄ᬢᭂᬦ᭄ᬳᬶᬩᬸᬲᬸᬥᬃᬫ᭄ᬫᬓᬯᬸᬮ᭟ᬳᬶᬓᬂᬳᬶᬩᬸᬤᬸᬓ᭄ᬫ᭄ᬬᬃᬱᬳᬢᬸᬃᬭᬶᬂᬲᬸᬦᬸ᭞ᬲᬦᬮᬶᬓᬧᬶᬡ᭄ᬥ᭞ᬫᭂᬤᭀᬢ᭄ᬕᬦ᭄ᬢᬶᬮᬦᬶᬂᬕᬮᬶᬄ᭞ᬦᭂᬗ᭄ᬕᬓ᭄ᬬᬵ
ᬲ᭄ᬧᬓᬾᬢᬂᬲᬶᬄᬢᬺᬱ᭄ᬡᬦᬶᬂᬧ᭄ᬭᬶᬬ᭟ᬦᬸᬮ᭄ᬬᬯᬗ᭄ᬲᬸᬮ᭄ᬱᬩ᭄ᬤᬫᬭᬂᬧᬸᬢ᭄ᬭᬦᬶᬧᬸᬦ᭄᭞ᬦᬫᬦᬶᬂᬲᬸᬥᬃᬫ᭞ᬧᬶᬦᬗ᭄ᬓᬲᬶᬭᬧ᭄ᬭᬶᬢᬸᬯᬶᬦ᭄᭞ᬓᬯᬶᬚᬶᬮ᭄ᬮᬦ᭄ᬱᬤᬬᬍᬮᬓᭀᬦᬶᬭ᭟᭠
ᬤᬤᭀᬲ᭄ᬱᬶᬧᬸᬦ᭄ᬥᬳᬸᬧ᭄ᬮᬦ᭄ᬱᬭᬶᬭᬦᬶᬧᬸᬦ᭄᭞ᬯᬸᬲ᭄ᬱᬶᬦᬸᬂᬓᭂᬦ᭄ᬯᬶᬓᬦ᭄᭞ᬲᬂᬧᬸᬢ᭄ᬭᬤᬸᬧᬶᬫᬶᬬᬃᬱᬶ᭞ᬲᬦᬮᬶᬓᬤᬳᬢ᭄ᬢᬸᬱ᭄ᬝᬦᬶᬂᬯᬃᬤᬬ᭟ᬳᬶᬂᬗ᭄ᬕᬮ᭄ᬫᬢᬹᬃᬥᬸᬄᬳᬶᬩᬸᬫᬗ᭄ᬓ᭄ᬬᬵᬫ᭄ᬩᬳ
ᬬᬸᬦ᭄᭞ᬦᬸᬯᬸᬧ᭄ᬱᬸᬤᬃᬫᬵᬫ᭄ᬩᬵ᭞ᬓᬂᬗᬶᬩᬸᬤᬸᬧᬶᬫᬶᬬᬃᬱᬶ᭞ᬢ᭄ᬬᬲ᭄ᬱᬶᬭᬗᬼᬲ᭄ᬮᬶᬃᬭᬥᬸᬢ᭄ᬩᬬᬸᬦᬶᬂᬗᬗ᭄ᬕᬵ᭟ᬭᬶᬭᬶᬄᬫᬸᬯᬸᬲ᭄ᬳᬤᬸᬄᬳᬢ᭄ᬫᬚᬶᬯᬦᬶᬂᬗ᭄ᬲᬸᬦ᭄᭞ᬧᬸᬮᬸᬄᬧᬸᬮᬸᬄᬲᬶᬭ᭞ᬳ
Kaca:Bali-lontar-gaguritan-adam-hawa-350ppi.pdf/76
Kaca puniki sampun kauji-wacén
