[᭕᭑ 51B]
ᬢᭂᬓ᭄ᬧᬗᬩᬃᬭᬦ᭄ᬦᬸᬮᬶ᭟ᬍᬫ᭄ᬩᬸᬳᬦ᭄ᬤᬶᬦᬶᬓᬧᬦ᭄ᬤᬸᬓ᭄᭞ᬳᬶᬂᬗᬚᬶᬓᬫᬬᬦ᭄ᬓᬤᬶ᭞ᬓᬧᬸᬓ᭄ᬗ᭄ᬮᬸᬫ᭄ᬧ᭄ᬭᬸᬓ᭄ᬱᬭᬶᬭᬜ᭞ᬮᬶᬃᬭᬘᬸᬢ᭄ᬓᬂᬩᬬᬸᬳᭂᬦ᭄ᬢᬶᬂ᭞ᬭᬾᬄᬓᬲᭀᬃᬓᬧ᭄ᬭᬯᬶ
ᬭᬦ᭄ᬦ᭄ᬬ᭞ᬦᬸᬮᬶᬲᬸᬚᬸᬤ᭄ᬯᬦ᭄ᬢᬶᬯᬦ᭄ᬢᬶ᭞ᬲᬃᬯᬶᬫᬢᬸᬃᬤᬸᬄᬧᬸᬓᬸᬮᬸᬦ᭄᭞ᬓᬂᬧᬶᬦᬗᬾᬭᬦ᭄ᬳᬶᬂᬩᬸᬫᬶ᭞ᬢᭂᬫᭂᬦ᭄ᬢᭂᬫᭂᬦ᭄ᬫᬗ᭄ᬓᬾᬳᬫ᭄ᬩ᭞ᬗᬗ᭄ᬕᭂᬧ᭄ᬬᬾᬦ᭄ᬢᬸᬯᬦ᭄ᬱᬬᬓ᭄ᬢᬶ᭞ᬓᬂᬳᬫᬸᬃᬩᬢ᭄ᬭᬶ
ᬩᬯᬦᬵ᭞ᬦᬗᬶᬂᬲᬫᬗ᭄ᬓᬾᬧᬸᬦ᭄ᬤᬲᬶᬄ᭞ᬜᬸᬯ᭄ᬦ᭄ᬓᬜᬢᬳᬦ᭄ᬦᬶᬧᬸᬦ᭄᭞ᬓᬯᬶᬘᬓ᭄ᬱᬦᬦ᭄ᬦᬶᬂᬕᬮᬶᬄ᭞ᬳ᭄ᬬᬂᬳᭂᬲᬳᬭᬸᬫ᭄ᬗᬦ᭄ᬤᬶᬓ᭞ᬳᬾᬄᬲᬧᬶᬢᬡ᭄ᬥᬦᬾᬫᬫᬶ᭞ᬫᬸᬃᬩᬫᬶᬲᬾᬲᬵ
ᬭᬶᬂᬲᬶᬭ᭞ᬳᬶᬗ᭄ᬲᬸᬦ᭄ᬫ᭄ᬭᬶᬂᬲᬶᬭᬫᭂᬭᬸᬳᬶ᭟ᬳᬲᬮ᭄ᬫᬸᬮᬦᬶᬭᬗᬬᬸᬦ᭄᭞ᬲᬬᬓ᭄ᬢᬶᬦᬾᬲᬶᬭᬳᬶᬓᬶ᭞ᬲᬧᬶᬳᬡ᭄ᬥᬶᬦᬶᬳᬦ᭄ᬢᬭ᭞ᬳᬲᬮ᭄ᬫᬸᬳᬶᬂᬲᭀᬜᬭᬸᬭᬶ᭞ᬲᬸᬢᬦᬶᬂᬚᬶ
[᭕᭑ 52A]
ᬓ᭄ᬭᭀᬄᬧᬢᬦᬫ᭄᭞ᬍᬕ᭄ᬕᬶᬂᬢ᭄ᬬᬲ᭄ᬱᬶᬭᬓᬧᬾᬗᬶᬦ᭄᭟ᬭᬶᬦᬢᬸᬳᬶᬂᬧ᭄ᬭᬢᬸᬫᬸᬯᬸᬄ᭞ᬓᬃᬱᬦᬾᬓᬂᬫᬸᬃᬩᬾᬂᬧᬱ᭄ᬝᬶ᭞ᬫᬸᬳᬸᬂᬳᬶᬗ᭄ᬲᬸᬦ᭄ᬓᬂᬭᬶᬦᬶᬮᬦ᭄᭞ᬚᬸᬫ᭄ᬦᭂᬂᬳᭀᬯᬗ᭄ᬭᬦ᭄ᬦᬶᬂᬩᬸᬫᬶ᭞ᬤᬾᬦᬾᬳᬶᬂ
ᬲᬫᬗ᭄ᬓᬾᬲᬶᬭ᭞ᬤᬤᬶᬬᬢᬶᬢᬶᬬᬦ᭄ᬫᬫᬶ᭟ᬲᬫᬶᬸᬧᬶᬳᬡ᭄ᬥᬶᬦᬶᬤᬸᬓ᭄ᬗ᭄ᬭᬸᬗᬸ᭞ᬧᬦᬩ᭄ᬤᬦᬾᬳ᭄ᬬᬂᬧ᭄ᬭᬫᬾᬱ᭄ᬝᬶ᭞ᬲᬸᬭᬸᬢ᭄ᬱᬸᬭᬦᬶᬂᬯᬃᬤᬬ᭞ᬫᭂᬡ᭄ᬥᬓ᭄ᬫᬡ᭄ᬥᬧᬵᬳᬶᬂᬲᬶᬢᬶ᭞ᬳᬧᬦ᭄ᬦᬸᬮᬶᬢᬶᬦᬶ
ᬢᬶᬬᬦ᭄᭞ᬤᬾᬦᬶᬂᬲᬂᬳ᭄ᬬᬂᬫᬳᬵᬲᬶᬤ᭄ᬥᬶ᭟ᬤᬸᬓ᭄ᬧᬸᬦᬶᬓᬸᬲᬕ᭄ᬬᬦᬶᬧᬸᬦ᭄᭞ᬓᬾᬯᬦ᭄ᬳᬶᬲᬶᬦᬶᬂᬯᬦᬤ᭄ᬭᬶ᭞ᬓᬂᬲᬵᬫ᭄ᬧᬸᬦ᭄ᬱᬫᬶᬫᬦᭂᬫ᭄ᬩᬄ᭞ᬥᬸᬫᬢᭂᬂᬍᬫ᭄ᬩᬸᬳᬡ᭄ᬥᬶᬦᬶ᭞ᬓᬾᬭᬸᬢ᭄ᬢ᭄ᬬ
ᬲ᭄ᬱᬾᬳᬫᬗᬾᬭᬦ᭄᭞ᬥᬸᬫᬢᭂᬂᬳ᭄ᬬᬂᬫᬕᬫᬸᬦᬶ᭟ᬳ᭄ᬬᬂᬲᬭᭀᬫ᭄ᬪᬯᭂᬓ᭄ᬢᬸᬯᬳᬸ᭞ᬚᬸᬚᬸᬮᬸᬓ᭄ᬳ᭄ᬬᬂᬧᬲᬸᬨᬣᬶ᭞ᬧᬃᬤᬶᬓᬦᬶᬭᬭᬢᬸᬜ᭞ᬲᬕᬸᬂᬗᬶᬂᬩᬸᬭᭀᬦ᭄ᬯᬦᬃᬤᬶ᭞ᬳ᭄ᬬᬂᬳᬭᬶᬕ᭄ᬬ
Kaca:Bali-lontar-gaguritan-adam-hawa-350ppi.pdf/52
Kaca puniki sampun kauji-wacén
