[᭑᭖ 16B]
᭑᭖
ᬋᬗᬶ᭞ᬬᭂᬓ᭄ᬢᬶᬓᭂᬦᬳᬶᬂᬗᬦ᭄ᬢᬶ᭞ᬯᬶᬤᬤᬭᬸᬫᭂᬫ᭄ᬩᬾᬦ᭄ᬦᬶᬧᬸᬦ᭄᭞ᬬᬾᬓᬸᬢᬰᬬᬶ᭠ᬤ᭄ᬳᬦ᭄ᬯᬃ᭞ᬤᬸᬧᬶᬲᬸᬲ᭄ᬦ᭄ᬬᬓᬸᬧ᭄ᬧᬶᬯᬗ᭄ᬲᬶᬢ᭄᭞ᬢ᭄ᬬᬲ᭄ᬦᬶᬃᬫᬮ᭞ᬗᬾᬱ᭄ᬝᬶᬲᬶᬤᬦᬶᬂᬗᬯᬶᬃᬬ᭄ᬬ᭟ᬲᭂᬢ᭄ᬬ
ᬢᬸᬳᬸᬳᬶᬂᬯᬲᬶᬢ᭞ᬲᬓ᭄ᬱᬳᬗ᭄ᬮᬓ᭄ᬱᬦᬦᬶ᭞ᬲᬧᬗ᭄ᬭᬾᬄᬳᬶᬂᬚᬚᬶᬮ᭄ᬮᬦᬢ᭄᭞ᬲᬲᭀᬮᬄᬜᬢᬦ᭄ᬯᬶᬦᬃᬦᬶ᭞ᬧ᭄ᬭᬧ᭄ᬢᬾᬂᬧᬸᬮᭀᬤᬾᬯᬦᬶ᭞ᬫᬜ᭄ᬚᬶᬂᬭᬶᬂᬕᬸᬢᬓᬲᬵᬫᬸᬦ᭄᭞
ᬳᬫᭂᬲᬸᬢᬧᬩ᭄ᬭᬢ᭞ᬘᬶᬦᬭᬶᬢᬳᬶᬂᬤᬾᬯᬦᬶ᭞ᬓᬂᬚᬸᬫᭂᬦᭂᬂᬡᬣᬧᬸᬦᬶᬓᬢ᭄ᬭᬄᬳᬶᬂᬚᬦ᭄᭟ᬫᬭᬶᬚᬦ᭄ᬧᬸᬃᬯᬓᬦᬶᬭ᭞ᬧᬸᬧᬸᬢ᭄ᬭᬚᬦ᭄ᬕ᭄ᬬᬲᬶᬲᬶᬯᬶ᭞ᬳᭂᬚᬶᬦ᭄ᬢᬸᬫᬸᬮᬶᬧᬸᬢ᭄ᬭ᭠
ᬜ᭞ᬦᬫᬧ᭄ᬭᬪᬸᬳᬡ᭄ᬥᬚᬮᬶ᭞ᬰ᭄ᬭᬶᬤᬾᬯᬢᬩᬶᬩᬶᬲᬶᬓ᭄᭞ᬳᬭᬶᬬᬤᬮᬶᬸᬚᬮᬶᬧ᭄ᬭᬪᬸ᭞ᬇᬚᬚᬶᬮ᭄ᬳᬸᬕᬶᬦᬫ᭞ᬲᬂᬚᬚᬶᬮ᭄ᬮᬦᬢ᭄ᬧᬸᬦᬶᬓᬶ᭞ᬓᬂᬦᬸᬭᬸᬦ᭄ᬓᭂᬦ᭄᭞ᬲᬢ
[᭑᭗ 17A]
ᬦ᭄ᬩᭂᬮᬶᬲ᭄ᬧᬦᭂᬦᬶᬸᬮᬸᬄᬳᬦ᭄᭟ᬲᬺᬫᭂᬢ᭄ᬥᭂᬫᬶᬢ᭄ᬩᭂᬓᬲᬓᬦ᭄᭞ᬤᬾᬦᬾᬧ᭄ᬭᬪᬹᬳᬡ᭄ᬥᬚᬮᬶ᭞ᬰ᭄ᬭᬶᬯᭂᬦᬸᬲ᭄ᬦᬫᬦᬶᬂᬧᬸᬢ᭄ᬭ᭞ᬳᬸᬕᬶᬳᭀᬡ᭄ᬥᬓᬭᬦᬸᬮᬶ᭞ᬧᬸᬧᬸᬢ᭄ᬭᬳᬯᬯᬗᬶ᭞ᬦᭂ
ᬗ᭄ᬕᬶᬄᬧᬮᬶᬚᬲᬂᬧ᭄ᬭᬪᬹ᭞ᬯᭀᬮᬸᬮᬶᬓᬹᬃᬓᬤᬂᬜ᭞ᬫᬸᬂᬧᬶᬢᬸᬳᬶᬓᬂᬯᬶᬦᬃᬡᬶ᭞ᬰ᭄ᬭᬶᬨᬮᬷᬚᬵᬬᬾᬓᬸᬓᬂᬚᬸᬫᭂᬦᭂᬂᬦᬵᬣ᭟ᬤᬾᬦᬾᬓᬧᬦᭂᬗ᭄ᬕᬦ᭄ᬓᬶᬭ᭞ᬧᬢᬶᬄᬧ᭄ᬭᬯᬢᬫ
ᬢᬶᬄᬳᬶ᭞ᬳᬶᬂᬭᬬᬶᬧ᭄ᬭᬪᬹᬤᬾᬯᬢ᭞ᬬᬭᬶᬲᬂᬧ᭄ᬭᬪᬹᬭᬯᬗᬶᬦ᭄᭞ᬳᬭᭀᬜᬰ᭄ᬭᬶᬭᬯᬗᬶᬦ᭄᭞ᬦᬢᬾᬂᬤᬾᬯᬦᬶᬧᬸᬦᬶᬓᬸ᭞ᬦᬹᬃᬭᬤᬶᬚᬸᬚᬸᬮᬸᬓ᭄ᬬ᭞ᬧᬢᬶᬄᬳᬫᬶᬃᬓᬂᬫ
ᬢᬶᬄᬳᬶ᭞ᬮᬾᬓᬸᬳᬭᬶᬦᬶᬭᬲᬂᬦᬸᬃᬭᬤᬶᬦᬵᬣ᭟ᬦᬸᬮᬶᬫᬭᬦᬶᬲ᭄ᬳᬭᬶᬜ᭞ᬢᬸᬫᬸᬮᬶᬲᬂᬭᬚᬤᬭᬶᬳ᭄᭞ᬯᬃᬡᬶᬬᬸᬬᬸᬫᬓᬳ᭄ᬬᬂᬗᬦ᭄᭞ᬳᬦᬾᬲᬚ᭄ᬭᭀᬦᬶᬂᬚᬮᬤ᭄ᬭᬶ᭞
Kaca:Bali-lontar-gaguritan-adam-hawa-350ppi.pdf/17
Kaca puniki sampun kauji-wacén
