[᭑᭓᭔ 134B]
᭑᭓᭔
ᬧᬶᬦᬭᬶᬂᬧᬧᬜ᭄ᬘᬾᬦ᭄ᬦᬶᬧᬸᬦ᭄᭞ᬳᬶᬓᬂᬭᬶᬦᬶᬮᬦ᭄ᬩᬶᬦᬸᬓ᭄ᬢᬶ᭞ᬦᬸᬮ᭄ᬬᬲᬂᬯᬶᬱ᭄ᬡᬸᬪᬵᬝᬵᬭ᭞ᬢᬸᬫᬸᬭᬸᬦ᭄ᬮᬦ᭄ᬭᬬᬶᬓᬮᬶᬄ᭟ᬳ᭄ᬬᬂᬫᬳᬵᬤᬾᬯᬳ᭄ᬬᬂᬘᬓ᭄ᬭ᭞ᬳ᭄ᬬᬂᬲᭂᬫᬃᬳᬶᬓᬂᬗᭂᬫ᭄ᬩᬦ᭄ᬦᬶ᭟ᬯ᭠
ᬳᬸᬓᬤᬂᬜᬳ᭄ᬬᬂᬯᬶᬱ᭄ᬡᬸ᭞ᬧᬸᬢ᭄ᬭᬜᬤ᭄ᬬᬄᬳᬸᬫᬮᬓ᭄ᬱ᭄ᬫᬶ᭞ᬬᬸᬦ᭄ᬗ᭄ᬭᬯᬢ᭄ᬫᬗ᭄ᬱᬦᬾᬓᬮ᭞ᬧ᭄ᬭᬢᬾᬮᬦ᭄ᬦᬶᬧᬸᬯᬶᬦᬃᬦᬶ᭞ᬓᬂᬭᬶᬦᬸᬯᬸᬢ᭄ᬭᬶᬂᬳ᭄ᬬᬂᬰᬸᬫᬦ᭄᭞ᬲᬚᬸᬕᬯᭀᬂᬳᭀᬦ᭄ᬢᬂᬳᬦᬶᬂ᭟ᬢ
ᬦ᭄ᬧᬓᬤᬂᬢᭂᬕᭂᬲᬶᬧᬸᬦ᭄᭞ᬢᬸᬯᬶᬦ᭄ᬕᬪᬵᬦᬕᬥᬶᬦᬶ᭞ᬲᬓᬤᬂᬳᬾᬲ᭄ᬢ᭄ᬭᬶᬮᬦ᭄ᬧ᭄ᬭᬶᬬ᭞ᬓᭂᬫ᭄ᬩᬃᬫᬄᬬᬢᬸᬗ᭄ᬕᬮ᭄ᬳᬭᬶ᭞ᬬᬾᬓᬧ᭄ᬭᬶᬬᬲᬫᬶᬧ᭄ᬭᬶᬬ᭞ᬮᬫᬸᬦ᭄ᬳᬾᬲ᭄ᬢ᭄ᬭᬶᬲᬫᬳᬾᬲ᭄ᬢ᭄ᬭᬶ᭟ᬕᭀ᭠
ᬡ᭄ᬥᬂᬓᬲᬶᬄᬓᬮᬶᬄᬳᬶᬧᬸᬦ᭄᭞ᬬᬾᬓᬭᬭᬾᬓᭂᬫ᭄ᬩᬃᬳᬸᬕᬶ᭞ᬦᬗᬶᬂᬩᬸᬮᬾᬓᬂᬲᬚᬸᬕ᭞ᬲᬢᬸᬗ᭄ᬕᬮ᭄ᬘᭂᬫᭂᬂᬳᬸᬢᬯᬶ᭞ᬯᬸᬗ᭄ᬓᬓ᭄ᬩᬸᬗ᭄ᬩᬸᬗ᭄ᬓᬸᬲ᭄ᬯᭂᬥᬮ᭄ᬮᬶᬭ᭞ᬯᬸᬗ᭄ᬓᬸᬲ᭄ᬯᬄᬬᬢᬦ᭄ᬧᬩᬶᬩᬶ᭟ᬢᬶᬕ
[᭑᭓᭕ 135A]
ᬲᬫ᭄ᬧᬶᬃᬓᬮᬸᬂᬳᬸᬲᬸᬲ᭄᭞ᬢᬶᬩᬳᬸᬓᭂᬃᬯᬳᬸᬩᬬᬶ᭞ᬓᬕᬸᬩᭂᬢ᭄ᬗᬸᬲᬸᬲ᭄ᬮᬳᬶᬃᬜ᭞ᬲᬳᬫᭂᬤᬮ᭄ᬮᬶᬧᬸᬦ᭄ᬫᬯᬶ᭞ᬲᬲᬓᬶᬢ᭄ᬢᭂᬦ᭄ᬧᬸᬦᬂᬚᬩᬂ᭞ᬤᬗᬸᬩᭀᬦ᭄ᬢᭂᬦ᭄ᬱᬕᭂᬤ᭄ᬦᬗᬶᬲ᭄᭟
ᬫ᭄ᬬᬂᬚᭂᬫ᭄ᬧᬶᬦᬯᬄᬬᬦᬶᬧᬸᬦ᭄᭞ᬤᬾᬭᬾᬂᬫᭀᬗ᭄ᬱᬳᬶᬓᬸᬮᬳᬶᬃ᭞ᬓᬤᭀᬲ᭄ᬢᬫᭂᬥᬮ᭄ᬦᭂᬫ᭄ᬯᬸᬮᬦ᭄᭞ᬧᬶᬢᬸᬂᬯᬸᬮᬦ᭄ᬯᭀᬮᬸᬂᬲᬲᬶ᭞ᬫᬃᬕᬦᬮᬳᬶᬃᬦᬾᬂᬧᬭᬦ᭄᭞ᬯᬄ
ᬳᬦᬧ᭄ᬭᬫᬾᬬᬫᬶᬚᬶᬮ᭄᭟ᬚᬸᬮᬸᬂᬯᬗᬶᬢᭂᬕᭂᬲ᭄ᬱᬶᬧᬸᬦ᭄᭞ᬧᬍᬝᭀᬓ᭄ᬓᬶᬂᬲᬹᬃᬬ᭄ᬬᬮᬳᬶᬃ᭞ᬕᬸᬮᬸᬂᬲᬸᬭᬩ᭄ᬧ᭄ᬮᭀᬂᬗᬶᬂᬲᬹᬃᬬ᭄ᬬ᭞ᬚᬸᬮᬸᬂᬯᬸᬚᬸᬤ᭄ᬱᬸᬭᬸᬧ᭄ᬮᬳᬶᬃ᭞ᬚᬸᬮᬸᬂᬲᬸᬂᬗ᭄ᬱᬂ
ᬯᭂᬤᬮ᭄ᬮᬶᬭ᭞ᬳᬫᬋᬗᬶᬢᭂᬗᬄᬳᬭᬶ᭟ᬫᭂᬓᬃᬲᬧᬲᬂᬧᬸᬦᬶᬓᬸ᭞ᬲᬥᬾᬭᬾᬓ᭄ᬓᬮᬶᬄᬲᬫᬾᬲ᭄ᬢ᭄ᬭᬶ᭞ᬢᬸᬯᬶᬦ᭄ᬳᬸᬕᭂᬃᬳᬸᬕᭂᬃᬮᬯᬂ᭞ᬳᬸᬕᬶᬓᬮᬶᬄᬧ᭄ᬭᬶᬬᬲᬫᬶ᭞ᬧᬜ᭄ᬘᬸᬃ᭠
Kaca:Bali-lontar-gaguritan-adam-hawa-350ppi.pdf/135
Kaca puniki sampun kauji-wacén
