[᭑᭒᭖ 126B]
᭑᭒᭖
ᬲᬂᬰᬸᬫᬦ᭄ᬧ᭄ᬭᬪᬹ᭞ᬲᬳᬲᬶᬦᬸᬂᬗᬦ᭄ᬧᬦᭂᬗ᭄ᬭᬦ᭄᭟ᬲᬂᬤᬾᬯᬶᬪᬲᬸᬦ᭄ᬤᬭᬶ᭞ᬲᬓ᭄ᬱᬦᬦᬃᬧᬓᬮᬶᬄᬜ᭞ᬲᬫᬶᬓᭀᬦ᭄ᬤᬸᬃᬲᬓᬜ᭄ᬘᬦᬾ᭞ᬬᬢᬳᬶᬂᬗᬮᬫᬮᬫ᭞ᬧᬭᬡᬭᬾ
ᬡ᭄ᬥ᭄ᬭᬫᭀᬜ᭄ᬘ᭞ᬲᭀᬯᬂᬲᭀᬯᬂᬧ᭄ᬭᬚᬦ᭄ᬦᬶᬧᬸᬦ᭄᭞ᬓᬯᬶᬲ᭄ᬭᬸᬓᬢᬄᬧ᭄ᬭᬓᬭ᭟ᬧ᭄ᬭᬂᬥᬸᬲᬸᬦ᭄ᬫ᭄ᬬᬂᬳᬶᬂᬦᬕᬭᬶ᭞ᬧᬭᬭᬢᬸᬕᬗ᭄ᬱᬫ᭄ᬬ᭞ᬩᬾᬜ᭄ᬘᬸᬂᬲᬶᬲᬶᬧ᭄ᬧ᭄ᬭᬦᬢᬦᬾ᭞ᬋᬩᬢ᭄ᬮᭂ᭠
ᬋᬲ᭄ᬦ᭄ᬬᬧ᭄ᬭᬶᬬᭀᬗ᭄ᬕ᭞ᬓᬭᭀᬜ᭄ᬘᬾᬦ᭄ᬬᬾᬦ᭄ᬯᬶᬦᬃᬦ᭞ᬳᬾᬭᬳᬾᬭᬸᬦᬶᬂᬧ᭄ᬭᬚᬕᬸᬂ᭞ᬓᬸᬦᭂᬂᬕᬦ᭄ᬢ᭄ᬬᬲᬶᬦᬭᬶᬢ᭟ᬯᭀᬦ᭄ᬢᭂᬦ᭄ᬤᬾᬯᬳᬗᬚᬯᬶ᭞ᬧᬸᬢ᭄ᬭᬦᬶᬭᬲᬂᬳ᭄ᬬᬂᬲᭂᬫᬃ᭞ᬲᬂᬳ᭄ᬬᬂ
ᬯᬸᬗ᭄ᬓᬸᬓ᭄ᬓᬦ᭄ᬦᬫᬦᬾ᭞ᬢᬸᬫᬸᬮ᭄ᬬᬲᬶᬲᬶᬮᬶᬄᬦᬫ᭞ᬪ᭄ᬭᬄᬫᬦᬭᬚᬥᬾᬤ᭞ᬫ᭄ᬬᬲᬂᬳ᭄ᬬᬂᬯ᭄ᬭᬳᬲ᭄ᬧᬢᬶᬓᬸ᭞ᬦᭂᬗ᭄ᬕᬶᬄᬪ᭄ᬭᬄᬫᬦᬩᬄᬫᬭᬢ᭄ᬭᬶᬱ᭄ᬝ᭟ᬮᬦ᭄ᬱᬂᬳ᭄ᬬᬂᬰᬶᬯᬄᬯᬯᬗᬶ᭞
[᭑᭑᭗ 117A]
ᬦᭂᬗ᭄ᬕᬶᬄᬪ᭄ᬭᬄᬫᬦᬩᬄᬮᬶᬓ᭞ᬲᬂᬳ᭄ᬬᬂᬲᬹᬃᬬ᭄ᬬᬲᬶᬲᬶᬮᬶᬳᬾ᭞ᬬᬾᬓᬲᬂᬪ᭄ᬭᬄᬫᬦᬰ᭄ᬭᬷᬲ᭄ᬩ᭞ᬲᬂᬳ᭄ᬬᬂᬬᬫᬤᬶᬨᬣ᭄ᬬ᭞ᬲᬂᬭ᭄ᬯᬄᬫᬦᬕ᭄ᬭᬕ᭄ᬧᬸᬦᬶᬓᬸ᭞ᬳ᭄ᬬᬂᬘᭀᬡ᭄ᬥ᭄ᬭᬪ᭄ᬭᬄᬫᬯ
ᬮᬦ᭄ᬢ᭟ᬲᬂᬳ᭄ᬬᬂᬓᬸᬯᬾᬭᬲᬶᬲᬶᬮᬶᬄ᭞ᬲᬂᬳ᭄ᬬᬂᬪ᭄ᬭᬄᬫᬦᬭᬚᬳᬶᬫ᭞ᬳ᭄ᬬᬂᬓᬫᬚᬬᬧᬭᬩ᭄ᬪᬾ᭞ᬲᬂᬭᬚᬢᬥᬶᬪ᭄ᬭᬄᬫᬦ᭞ᬳ᭄ᬬᬂᬢᬫ᭄ᬩᬸᬭᬸᬧᬦᭂᬗ᭄ᬭᬦ᭄᭞ᬲᬂᬪ᭄ᬭᬄᬫᬦ
ᬭᬚᬧᬢᬸᬓ᭄᭞ᬯᬳᬸᬧ᭄ᬭᬤᬾᬯᬲᬤᬬ᭟ᬚᬸᬚᬸᬕ᭄ᬳᬶᬂᬫᬳᬾᬡ᭄ᬥ᭄ᬭᬳᬸᬓᬶᬃ᭞ᬲᭂᬤ᭄ᬬᬦ᭄ᬦᬶᬭᬳᬃᬱᬓᬃᬬ᭄ᬬ᭞ᬢᬢᬢᭂᬦ᭄ᬢᬺᬫ᭄ᬫ᭄ᬭᬶᬂᬚᬦ᭄ᬫᬓᬾᬄ᭞ᬧ᭄ᬭᬡᬭᬾᬡ᭄ᬥ᭄ᬭᬫᭀᬜ᭄ᬘᬧ᭄ᬭᬚᬵ᭞
ᬢ᭄ᬭᬂᬧᬫᬶᬳᬃᬱᬜ᭞ᬯᭀᬦ᭄ᬢᭂᬦ᭄ᬧᬭᬪ᭄ᬭᬄᬫᬦᬬᬸᬦ᭄᭞ᬜᬶᬋᬧ᭄ᬭᬄᬳᬸᬭᬸᬦᬶᬂᬧ᭄ᬭᬚᬵ᭟ᬧᬭᬡᬭᬾᬡ᭄ᬥ᭄ᬭᬢᬸᬫᬸᬮᬶ᭞ᬭᬯᬸᬄᬳᬶᬂᬗᬃᬤᬶᬫᬳᬾᬡ᭄ᬥ᭄ᬭ᭞ᬮᬦ᭄ᬧ᭄ᬯᬄ
Kaca:Bali-lontar-gaguritan-adam-hawa-350ppi.pdf/127
Kaca puniki sampun kauji-wacén
