[᭑᭒᭓ 123B]
᭑᭒᭓
ᬩᬶᬥᬮ᭄᭞ᬳᬗᬶᬭᬶᬢ᭄ᬯᬤ᭄ᬬᬦᬶᬭ᭞ᬫᭂᬥᬂᬕᬦᬓᬂᬚᬶᬦᬸᬚᬸᬕ᭄᭞ᬳᬗᬕᬾᬢ᭄ᬢᬓᭂᬦ᭄ᬧ᭄ᬭᬧ᭄ᬢᬜ᭟ᬫᬳᬭᬚᬰᬓ᭄ᬭᬢᬸᬯᬶ᭞ᬕᬃᬯᬧᬸᬢ᭄ᬭᬯᬤ᭄ᬬᬦᬶᬭ᭞ᬓᬯᬸᬃᬓᬯᬸᬃᬲᬲᭀᬮᬄ
ᬳᬾ᭞ᬮᭀᬮᭀᬲ᭄ᬱᬓᬶᬂᬚ᭄ᬭᭀᬦᬶᬂᬓᬸᬝᬵ᭞ᬲᬓ᭄ᬧᬦᬧᬢᬶᬄᬳᬶᬭ᭞ᬳᬶᬂᬫᬦᬄᬗᬾᬗᭂᬢ᭄ᬢᬶᬮᬫᬸᬦ᭄᭞ᬤᬃᬩᬾᬲᬸᬫᬶᬢ᭄ᬭᬭᬾᬯᭀᬦ᭄ᬤ᭟ᬦᬫᬲᬂᬫᬮᬯᬣᬶ᭞ᬲᬓ᭄ᬱ᭠
ᬦᬭᬓ᭄ᬭ᭄ᬬᬦ᭄ᬦᬧᬢ᭄ᬬ᭞ᬳᬫᬗ᭄ᬕᬶᬄᬳᬶᬲᬸᬫᬶᬢ᭄ᬭᬦᬾ᭞ᬢᬶᬦᬦ᭄ᬢᬸᬦ᭄ᬧᬶᬦᬾᬢ᭄ᬱᬭᬬ᭞ᬫᬮᬯᬨᬣᬶᬲᬕᬄ᭞ᬦᬸᬮ᭄ᬬᬗᬸᬫ᭄ᬧᬸᬮ᭄ᬮᬓᭂᬦ᭄ᬱᬕᬸᬂ᭞ᬓᬤᬂᬓᬸᬮᬯᬗ᭄ᬱᬦᬶᬭ᭟ᬲ
ᬫᬓ᭄ᬢᬩᬶᬤᬮ᭄ᬮᬦ᭄ᬫᬭᬶᬂ᭞ᬳᬶᬂᬦᬕᬭᬶᬫᭂᬥᬂᬕᬡ᭞ᬤᬢᬦ᭄ᬯᬶᬦᬃᬡᬮᬫ᭄ᬧᬄᬳᬾ᭞ᬧ᭄ᬭᬧ᭄ᬢᬾᬂᬦᬕ᭄ᬭᬶᬫᭂᬥᬂᬕᬦ᭞ᬕ᭄ᬬᬧᬗ᭄ᬱᬄᬳᬶᬂᬗᬬᬸᬤᬵ᭞ᬲᬫᬶᬲᬸᬭᬭᭀᬯᬂᬫᬸᬲᬸᬄ᭞
[᭑᭒᭔ 124A]
ᬲᬺᬕ᭄ᬱᬶᬦᬺᬕ᭄ᬕᬦ᭄ᬢᬶᬓᬲᭀᬭᬦ᭄᭟ᬭᬚᬤᬦᬸᬓᬮᬦ᭄ᬳᬭᬶ᭞ᬦᭂᬗ᭄ᬕᬶᬄᬲᬂᬓᬾᬲ᭄ᬯᬦᬵᬭᬚ᭞ᬫᬗ᭄ᬱᬄᬫᬶᬸᬧᬸᬗ᭄ᬕᬸᬂᬧᬗᬫᬸᬓ᭄ᬓᬾ᭞ᬧ᭄ᬭᬕᭀᬱᬓᬂᬢᬶᬦᬭᬚᬂᬮᬭᬸᬢ᭄ᬫᬶᬭᬸᬢ᭄ᬧᬲᬃ
ᬭᬦ᭄᭞ᬲᬂᬫ᭄ᬮᬯᬨᬣᬶᬲ᭄ᬭᬸᬩᭂᬦ᭄ᬤᬸ᭞ᬰ᭄ᬬᬫᬶᬚᬶᬮ᭄ᬓᭂᬦ᭄ᬧᬗᬩᬃᬭᬦ᭄᭟ᬩᬬᬸᬭᭀᬢᬲ᭄ᬭᬸᬫᬗᬶᬤᬶᬢ᭄᭞ᬦᭂᬫ᭄ᬧᬸᬄᬳᬶᬂᬩᬮᬵᬭᬓ᭄ᬱᬲ᭞ᬲᬶᬃᬡᬮᬭᬸᬢ᭄ᬱᬤᬬᬦᬾ᭞ᬢᬦ᭄ᬳ
ᬦᬓᬭᬶᬲᬚᬸᬕ᭞ᬓᬢᬸᬃᬳᬭᬚᬰᬓ᭄ᬭ᭞ᬤᬤᭀᬲ᭄ᬓᭂᬦ᭄ᬢ᭄ᬭᬸᬱ᭄ᬝᬦᬶᬂᬓᬮ᭄ᬩᬸ᭞ᬮᬸᬫᬸᬦ᭄ᬢᬸᬃᬲᬶᬄᬯᬶᬮᬗ᭄ᬱᬜ᭟ᬫ᭄ᬭᬶᬂᬯᬳᬸᬲᬂᬫ᭄ᬮᬯᬧᬣᬶ᭞ᬦᬸᬮ᭄ᬬᬓᬶᬦᬸᬮᬵᬯᬶᬲᬸᬤᬵ᭞ᬧᬶᬦᭀᬗ᭄ᬓᬧᬸ
ᬗ᭄ᬕᬯᬓᬳᭀᬢ᭄᭞ᬲᬂᬢᬫ᭄ᬧᬶᬲᬶᬄᬳᬶᬂᬦᬭᬾᬡ᭄ᬤ᭄ᬭ᭞ᬲᬗᭂᬢ᭄ᬱᬸᬓᬦᬶᬂᬤ᭄ᬭᬶᬬ᭞ᬬᬢᬫᬗ᭄ᬓ᭄ᬬᬓᬂᬯᬶᬦᬸᬯᬸᬲ᭄᭞ᬧᬭᬭᬢᬸᬫᭀᬜ᭄ᬘᬧ᭄ᬭᬚ᭟ᬲᬫᬶᬓᬃᬱᬭᬯᬸᬄᬫᬭᬶᬂ᭞ᬦᬕ᭠
Kaca:Bali-lontar-gaguritan-adam-hawa-350ppi.pdf/124
Kaca puniki sampun kauji-wacén
