[᭑᭓ 13B]
᭑᭓
ᬢᬦ᭄ᬧᬶᬭᬭᬸᬡ᭄ᬝᬶᬓ᭄ᬘᬶᬢᬦᬾᬓᬶᬩᬮ᭄ᬯᬦ᭄᭞ᬦ᭄ᬥ᭄ᬬᬫᬢᬂᬦ᭄ᬬᬓ᭄ᬭᭀᬥ᭞ᬅᬧᬦᬶᬫᬦᬹᬱᬵᬫᬢᬹᬃᬲᬃᬯ᭄ᬯᬶᬅᬩᬘᬶᬦ᭄᭞ᬦ᭄ᬳᭂᬃᬧᬸᬦ᭄ᬩᬮ᭄ᬯᬦ᭄ᬢᬸᬫᬡ᭄ᬥᬗᬦᬸᬤᬶᬗᬶᬦ᭄᭞ᬩ᭄ᬭᬸᬓᬸᬢᬶᬳᬗᬸᬘᬧ᭄᭟ᬇᬄ᭞ᬲᬶᬕᬵᬫᬦᬹᬱᬵ᭞ᬅᬦ᭄ᬢ᭄ᬬᬦ᭄ᬢᬦ᭄ᬧ᭄ᬭᬘᬸᬭ᭠
ᬦ᭄ᬫᬸᬅᬦ᭄ᬤᬤᬶᬫᬦᬹᬱᬵ᭞ᬍᬯᬶᬄᬘᬸᬫᬦ᭄ᬢᬓᬦ᭄ᬫᬸ᭞ᬤᬳᬢᬶᬗᬯ᭄ᬕᬶᬕ᭄᭞ᬲᬲᬃᬓᬤᬤ᭄ᬬᬦ᭄ᬫᬸ᭞ᬢᬸᬳ᭄ᬯᬫᬸᬢᬦ᭄ᬯ᭄ᬭᬶᬂᬭᬾᬳᬵ᭞ᬦ᭄ᬤᬶᬳᬦᬲᬰᬡᬓᬢ᭄ᬫᬸᬤᬾᬫᬸ᭞ᬳᬸᬫᬢᬹᬃᬭᬶᬂᬳ᭄ᬬᬂᬲᬃᬯ᭄ᬯᬶᬳᬩᬩᬘᬶᬦ᭄᭞ᬢᬸᬳᬸᬓᬤᬤᬾᬦ᭄ᬫᬍᬫᬄᬓᬶᬦ᭄ᬧᭂ᭠
ᬮ᭄ᬓᭂᬧᭂᬮ᭄᭟ᬲᬸᬫᬳᬸᬃᬓᬂᬫᬦᬹᬱᬵ᭟ᬇᬄ᭞ᬧᬭᬦ᭄ᬩᬮ᭄ᬯᬦ᭄᭞ᬳᬚᬫ᭄ᬚᬫ᭄ᬳᬸᬚᬃᬫᬸ᭞ᬅᬦᬫ᭄ᬩᬢ᭄ᬦᬫ᭄ᬩᬢᬶᬂᬢᬯ᭄ᬯᬗᬦ᭄᭞ᬢᬸᬳᬸᬫᬸᬢᬦ᭄ᬧ᭄ᬭᬘᬸᬭ᭞ᬳᬧᬶᬳᬧᬶᬯ᭄ᬭᬸᬳᬾᬂᬲᬃᬯ᭄ᬯᬢᬢ᭄ᬯᬲᬰᬡᬵ᭞ᬢᬦ᭄ᬮᬶᬗᭂᬦ᭄ᬓᬯᬗᬦ᭄ᬫᬸᬓᬸᬫᬢᬧ᭄ᬓᬸᬫᬢᬶ
ᬧ᭄ᬮ᭄ᬬᬩᬶᬂᬅᬯᬾᬘᬶ᭞ᬅᬗᬫ᭄ᬩᭂᬓᬓᭂᬦᬶᬃᬱ᭄ᬬ᭞ᬫᬧᬶᬲᬥᬸ᭞ᬢᬸᬳᬸᬳ᭄ᬬᬂᬪᬝᬵᬭᬦᭀᬭᬭᬸᬡ᭄ᬝᬶᬓ᭄ᬦᬾᬂᬅᬓᬸ᭟ᬲᬸᬫᬳᬸᬃᬓᬶᬩᬮ᭄ᬯᬦ᭄ᬫ᭄ᬮᬸᬢᬸᬓ᭄ᬢᬂᬦᬾᬢ᭄ᬭᬅᬩᬂ᭞ᬮ᭄ᬯᬶᬃᬲᬸᬫᬶᬭᬢᬶᬂᬖ᭄ᬦᬶᬳᬸᬚ᭄ᬯᬮᬵ᭞ᬦ᭄ᬳᭂᬃᬳᬦᬧᬵ᭟ᬇᬄ᭞ᬅ
[᭑᭔ 14A]
ᬧᬦ᭄ᬫᬸᬫᬦᬸᬱᬵᬳᬧᬸᬗ᭄ᬕᬸᬂ᭞ᬫᭀᬕᬫᭀᬕᬫᬸᬢᬦ᭄ᬧᬭᬶᬯᬲ᭄ᬢᬸᬇᬦᬭᬹᬧ᭞ᬇᬦᬇᬥᭂᬧ᭄᭞ᬯᬲ᭄ᬢᬸᬤᬤᬶᬯᭀᬂᬤᬸᬲᬸᬦ᭄ᬓᬢ᭄ᬓᬾᬂᬯ᭄ᬓᬲᬶᬂᬤ᭄ᬮᬳᬵ᭞ᬤᭀᬱᬫᬸᬳᬜᬫ᭄ᬧᬸᬭᬶᬂᬤᬾᬯᬵ᭟ᬅᬧᬦ᭄ᬢᬦ᭄ᬓᭂᬦᬢᬶᬦᬳᭂᬦ᭄ᬢᬂᬩ᭄ᬭᬳ᭄ᬫᬵᬦ᭄ᬬ᭞
ᬢᬸᬫᬸᬮᬶᬢᬂᬩᬮ᭄ᬯᬦᬗᬸᬧᬲᬦ᭄ᬢ᭄ᬯᬭᬶᬂᬪᬝᬵᬭ᭞ᬬᬬᬅᬗᬸᬮᬸᬗᬸᬮᬸᬗᬶ᭞ᬲᬶᬦᬦ᭄ᬫᬢᬤᬾᬪᬝᬵᬭ᭞ᬇᬭᬶᬓᬧᬤᬸᬓᬪᬝᬵᬭᬇᬦᬯᬾᬧᬸᬦᬂᬫᬦᬸᬱᬵᬓᬩᬾᬄ᭟ᬲᬧ᭄ᬭᬵᬧ᭄ᬢᬦᬶᬓᬂᬯ᭄ᬯᬂ᭞ᬓᬶᬦᭀᬦᬵᬦ᭄ᬮᬶᬓᬓᭂᬦ᭄ᬢᬂᬲᭀᬘ
ᬦ᭄ᬬᬓᬩᬾᬄ᭞ᬅᬦᬼᬂᬪᬝᬵᬭ᭞ᬢᬸᬫᬸᬮᬶᬕᬶᬦᭀᬭᬾᬢ᭄ᬲᭀᬘᬦᬶᬂᬫᬦᬸᬱᬵ᭞ᬤᬾᬦᬶᬂᬓᬧᬸᬃ᭞ᬤᬶᬦᬸᬮᬸᬭᬓᭂᬦ᭄ᬯᬓ᭄ᬲᬧᬵ᭟ᬚᬄᬢᬰ᭄ᬫᬢ᭄᭞ᬯᬲ᭄ᬢᬸ᭞ᬯᬲ᭄ᬢᬸ᭞ᬯᬲ᭄ᬢᬸ᭞ᬓᬫᬸᬫᬦᬹᬱᬵ᭞ᬤᬾᬤᬾᬮᬯᬦᬶᬗ᭄ᬳᬸᬮᬸᬦ᭄᭞ᬢᬦ᭄ᬯᭂ
ᬦᬂᬢᬸᬫᭀᬦᬓᭂᬦ᭄ᬭᬶᬂᬧᬥᬳ᭄ᬬᬂᬓᬩᬾᬄ᭟ᬓᬢ᭄ᬓᬾᬂᬯ᭄ᬓᬲᬶᬂᬤ᭄ᬮᬳᬵ᭟ᬦ᭄ᬥ᭄ᬬᬫᬢᬂᬦ᭄ᬬ᭞ᬤᭀᬱᬫᬸᬳᬸᬫᬢᬹᬃᬓ᭄ᬦᬾᬂᬅᬓᬸᬲᬃᬯ᭄ᬯᬶᬅᬧᬸᬭᬶᬱ᭄ᬬ᭞ᬫᬗ᭄ᬓᬦᬧᬦᬧᬦᬶᬗ᭄ᬳᬸᬮᬸᬦ᭄ᬢᬶᬦᭂᬫ᭄ᬯᬓᭂᬦ᭄ᬤᬾᬧ᭄ᬭᬢᬶᬲᬦ᭄ᬢᬦᬦ᭄ᬢ
Kaca:Bali-lontar-babad-pasek-kayu-selem-02-250ppi.pdf/14
Kaca puniki sampun kauji-wacén
