Kaca:Dongeng Panji Dalam Kesusastraan Bali.pdf/112

reh, laut majalan.

Kacrita sasubanne neked di puri, makejang anake uyut nekep
cunguh, ngorahang Luh Gatling maboreh sera, kene munyinne,

"Dong kalamakan dogen Men Tiwas, pesu-pesuanne amonto
cenikne. Ngaba lu pabungbungan tur mebo sera. Ne kema laku,
sing kodag baan ngadek!" Luh Gatling lantas nyrutcut ngalih tongose suung. Buin akejepne lantas rauh Siramadewine, wireh mireng anak uyut.

"Ih apa sih kuyutang aah, magarapan, yen magarapan ja selegang, da mayus omong dogen keto." Keto, pangandikanne, lantas
ada anak masaut,

"Sampunang ja menggah, indaang ja cingakin, pesu-pesuan
Men Tiwas, kalud lu aji pabungbungan buin mebo sera".

"Dong jegeg san gobanne." Ni Luh Gatling mendep dogen.
Siramadewi ngandika,

"Ih Cening saja kone mebo sera, tusing taen kayeh keto
Nyai?"

"Tan wenten." Keto atur Luh Gadinge, sambilanga nguntul
wireh kaimud.

"Yeh ento padidiin nyai ngelah pagaene nebuk? Ye, ih mai
ja tingalin ajak makejang, da te kedekina dogen anake, pelan pagaenne nebuk, lamun pagaen anake ajak tetelu. Nah selegang ja
Cening magarapan, da runguanga meleng-melengan. Ye matelek
gati ja goban anake cenik, ne nyen adan nyaine?" Matur Luh
Gading, sambilanga kunuk mulang lunne,

"Titiang Luh Gading nika." Ngandika Siramadewi,

"Ye, ih luung ja adanne, Luh Gading."

Kacrita suba pada suud nebuk, Luh Gading paling maluna
mapamit. Satekedne Luh Gading jumah, tuturanga undukne dadi
kakede kan, dadi jejailan. Buin pidanne buin Luh Gading ngayah,
ka puri wireh di puri anake lakar nyait. Tan mari masih ia maboreh
sera. Anake pada nyait tamas, yadin sampean aji semat, nanging
Ni Luh Gading nyait aji medang tiing ane abana uli jumah, pegaen-,
ne ngonanga pesan teken anake makejang wreh alus pagaennya,
buina tusing ngenah jejaitane wireh aji medang, nanging tekek.
Kayang para ratune masih makejang pada ngon teken paundukanne Luh Gading. Raden Mantri Koripan, tan mari ngirik-ngirik
ia, nganti tusing magedi-gedi uli di anake nyait. Raden Mantri

106