55
I Made kedek.
"Ratu dados ten oneng masileman, nglangi? Dawege ring Bandung Ratu, tan nahen nyarengin sawitran Ratu........."
"Aruh, pepes Yang orahanga nyem teken I Corry."
"Nyem sapunapi ja?"
"Men, kone Yang, mara sing nyak milu."
"Be, pangus Ida malah dayanin!" I Made kenyem ipun.
"Aruh, sing nau sing, bes pakrubuk luh muani dadi sing nden baan ngamiluin unduke keto, De! Nah, Yang makiken suba. De, akuda kone sewan........?".
"Ida dogen ja naur, nah. Ati-ati!"
I Dayu ica ngrikgik.
"Kal kudiang Yang, yan Yang mayah sewan kama-re?"
"Puik, da ngrawes."
"Kadong aluh Yang sing tuyuh ngamelmel, nyem nyem!"
Raris Ida makaon saking irika, ngalah ungkurin I Made ring telagane. Palihatipun ngateh Ida mamargi, tan lebleb antuk ipun ngateh Ida antuk palihat, jantos mrasa Ida kapandreng saking ungkur, kandugi Ida nolih....... raris Ida ica. I Made idalem ipun, kadi i corah kadapetan, nanging kadong sampun ka-tangehan, napi pikenohnya malih makelid Droponan ipun mandreng bancangida, meros, lemuh megel palanida inggihan tan ja naraju, nanging ta
