41
"Uning titiang? Tra taen ngelah kurenan"
"Yan Yang sing nyak apa keto. Musti masumpah -malu, Yang nyak tindih, nyak paturu magehang pati-brata, buka rawes Ajin Yange; nanging yan ada anak ngugu Yang, musti apang ia masih masumpah, apa sa-tia, tindih teken Yang, ngenken kone? Paturu jelma. Mara iraga luh apanga nguntul, apang magehang pati-brata, sati teken kurenan, anake muani jadi enjat-enjat, dadi muwuk patibrata? Sing nyaaaak. Lamun a-da ja anak sih teken Yang, nadian Ida............."
"......dane, ipun?" Kenten I Made nimbal.
"Beee, pantes I Madie."
"Yening ipun upami, sapunapi Dayu?"
"Nadiah ipun japi, lamun ma....." I Dayu jeg sikep, wikan Ida ring raga, bes kalonjok ipun sampun ingrawes...........
"Inggih Ratu, wau liang titiang miragi."
Ida kenying tur Ida ngewerin I Made.
"Nemin ja I Made, oo Luh, Nyai sing kiap, Luh ? Pulesang bane ba! Aruh Made Yang kiap suba..... Be, .... sajad, dijad Made ngebab?"
"Titiang diwang ja sampun?"
"Sing dadi ngalahin........"
"Inggih, ngalahin napi?"
"Bi, ngalih rawes pelih-pelih dogen I Made, pan-tes. Yang kene sih ukana. Sing dadi ngalahin Gusti Nah, ne tuunang kasure abesik, De! Kasur dadua, daajaka I Luh makasur, nyen padeh nyen I Raka."
