[᭙᭑ 91B]
᭙᭑
ᬯᬾᬤᬤᬶᬓᬤᬢ᭄᭞ᬢᬸᬗ᭄ᬓᬸᬮ᭄ᬲᬓᬶᬢ᭄᭞ᬳᬶᬗᭂᬢᬂᬳᬶᬩᬸᬤ᭄ᬥᬶᬢᬺᬱ᭄ᬡ᭟ᬳᬸᬧᬫᬶᬓᬤᬶᬳᬶᬳᬯᬓ᭄᭞ᬮᬶᬫᬩᬢᬶᬲ᭄ᬦᭀᬗᭀᬲ᭄ᬤᬶᬦᬶ᭞ᬢᬺᬱ᭄ᬡᬦ᭄ᬜᬦᬾ ᬢᬦ᭄ᬳᬶᬢᬸᬗᬂ᭞ᬭᬶᬯᭂᬓᬲᬦ᭄ᬍᬧᬲ᭄ᬧᬬᬸ᭞ᬦᬾ ᬳᬤ᭄ᬳᬤᬶᬦᬶ
ᬤᬶᬳᬯᬓ᭄᭞ᬧᬮᬂᬓᭂᬢᬶᬓ᭄᭞ᬤᬶᬫᬲᬦ᭄ᬢᬺᬱ᭄ᬡᬦᬾ ᬳᬶᬮᬂ᭟ᬳᬸᬘᬧ᭄ᬳᬶᬚᬕᬢ᭄ᬫᬓᭂᬚᬂ᭞ᬬᬦ᭄ᬳᬶᬢᬺᬱ᭄ᬡᬢᬦ᭄ᬲᬢᬦ᭄ᬤᬶᬂ᭞ᬢᭂᬓᬾᬦ᭄ᬧ᭄ᬬᬦᬓ᭄ᬘᬸᬘᬸᬲᭀᬫᬄᬯᬶᬭᬾᬄᬲᬓᬶᬂᬳᬯᬓ᭄ᬧᭂᬲᬸ᭞ᬬᬦᬶᬂᬳᬤ᭄ᬳᬓᬸᬢᬸᬢᬸᬫ᭞
ᬓᬕᭂᬤᭂᬕᬶᬦ᭄᭞ᬳᭂᬦ᭄ᬢᭀᬫᬲᬶᬄᬳᬸᬮᬶᬂᬳᬯᬓ᭄᭟ᬲᬓᬶᬂᬫᬦᬄᬫᭂᬢᬸᬩᬾᬤ᭞ᬩᬶᬲ᭄ᬳᬢᬺᬱ᭄ᬡᬩᬶᬲᬢᬸᬲᬶᬂ᭞ᬓ᭄ᬭᬡᬳᬶᬫᬦᬄᬫᭂᬮᬳᬂ᭞ᬧᬲ᭄ᬢᬶᬬᬂᬫᬗᭂᬢᬹᬢ᭄ᬳᬬᬸ᭞ᬧᬶᬢ᭄ᬯᬶᬦᬾ ᬧ᭄ᬬᬦᬓ᭄ᬲᭀᬫᬄ᭞ᬮ
ᬫᬸᬦ᭄ᬧᭂᬮᬶᬄ᭞ᬢᬺᬱ᭄ᬡᬦᬾ ᬲᬭᬢᬂᬓᬸᬢᬂ᭟ᬓᬾᬢᭀᬢᬶᬗ᭄ᬓᬄᬗᭂᬢᬹᬢ᭄ᬥᬃᬫ᭄ᬫ᭞ᬥᬃᬫ᭄ᬫᬫᭀᬓ᭄ᬱᬢᬸᬢᬸᬃᬚᬵᬢᬶ᭞ᬚᬵᬢᬶᬲᬸᬩᬓᬧᬕᭂᬳᬂ᭞ᬫᬧᬕᭂᬄᬧᬵᬡ᭄ᬥᬶᬢᬧᬸᬢᬸᬲ᭄᭞ᬧᬸᬢᬸᬲ᭄ᬳᬶᬤᬫᬗᬸᬘᬧᬂ᭞
[᭙᭒ 92B]
ᬳᬸᬘᬧ᭄ᬍᬯᬶᬄ᭞ᬍᬯᬶᬄᬲᬭᬰᬫᬸᬰ᭄ᬘᬬ᭟ᬬᬦᬶᬂᬫᬦᬸᬚᬸᬓᬾᬮᬵᬳᬗᬦ᭄᭞ᬭᬚᬪ᭄ᬭᬡᬲᬃᬯ᭄ᬯᬩᭂᬘᬶᬓ᭄᭞ᬫᬾᬫᬾᬩᬧᬲᭀᬫᬄᬧ᭄ᬬᬦᬓ᭄᭞ᬜᬫᬩ᭄ᬭᬬᬦᬸᬚᬸᬮᬫ᭄ᬧᬸᬲ᭄᭞ᬮᬫ᭄ᬧᬸᬲ᭄ᬫᬦᬶᬗ᭄ᬕᬮᬶᬦ᭄ᬳᬯᬓ᭄᭞
ᬤᬶᬢᬸᬦᬫ᭄ᬧᬶ᭞ᬤᬸᬄᬓᬶᬢᬲᬓᬶᬢ᭄ᬓᬮᬭᬦ᭄᭟ᬢᬦ᭄ᬲᬾᬯᭀᬲ᭄ᬳᬶᬩᬸᬤ᭄ᬥᬶᬢᬺᬱ᭄ᬡ᭞ᬫᬗ᭄ᬭᬡᬬᬂᬳᬸᬬᬂᬧᬮᬶᬂ᭞ᬕᬢᬶᬬᬂᬘᭂᬦᬶᬂᬕᬢᬶᬬᬂ᭞ᬳᬸᬩᬤᬶᬦ᭄ᬳᬶᬩᬸᬤ᭄ᬥᬶᬳᬶᬩᬸᬓ᭄᭞ᬳᬧᬂᬳᭂᬤ᭄ᬳᬓᬦ᭄ᬢᬶᬭᬸᬲᬓ᭄᭞ᬩᬸᬓᬚᬦᬶ᭞
ᬓᬭᬸᬲᬓ᭄ᬩᬳᬦ᭄ᬳᬶᬢᬺᬱ᭄ᬡ᭟ᬓᬾᬢᭀᬢᬫ᭄ᬩᬦᬾ ᬳᬶᬗᭂᬢᬂ᭞ᬲᬳᬦᬦ᭄ᬲᬃᬯ᭄ᬯᬫᬳᬸᬭᬶᬧ᭄᭞ᬫᬢᬶᬢ᭄ᬯᬄᬧᬵᬢᬹᬢᬾᬩᬓᬢ᭄᭞ᬲᬃᬯ᭄ᬯᬪ᭄ᬭᬡᬩᬭᬂᬮᬶᬬᬸ᭞ᬳᭂᬦ᭄ᬢᭀᬢ᭄ᬯᬄᬮᬸᬗ᭄ᬕᬢᭂᬓ᭞ᬩᬸᬮᬓ᭄ᬩᬮᬶᬓ᭄᭞
ᬢ᭄ᬯᬭᬜᬦ᭄ᬤᬂᬗᬗᭂᬦ᭄ᬳᬶᬬ᭟ᬓᬾᬢᭀᬳᬸᬩᬤᬾ ᬳᬶᬗᭂᬢᬂ᭞ᬩᬸᬓᬓᭀᬘᬧᬾ ᬳᬶᬢᬸᬦᬶ᭞ᬲᬸᬩᬮᬶᬬᬸᬩᬳᬦ᭄ᬩᬧ᭞ᬗᬸᬜ᭄ᬘᬭᬂᬳᬶᬦ᭄ᬤᬶᬓ᭄ᬧᬶᬢᬸᬢᬸᬃ᭞ᬦᬗ᭄ᬳᬶᬂᬩᬧᬳᭂᬦᬸᬗᬯᬕ᭄᭞ᬮᬶᬬᬸᬧᭂᬮᬶᬄ᭞ᬘᭂᬦᬶᬂᬩᬸᬯᬶᬦ᭄ᬫ
Kaca:Bali-lontar-gaguritan-paparikan-sarasamuscaya-300ppi.pdf/92
Kaca puniki sampun kauji-wacén
