[᭗᭑ 71B]
᭗᭑
ᬳᬸᬕᬶᬦᬦ᭄ᬤᬦᬶᬦ᭄᭞ᬥᬃᬫ᭄ᬫᬧᬵᬢᬹᬢ᭄᭞ᬧᬘᬂᬦᬶᬜ᭄ᬘᬧ᭄ᬫᬳᬸᬢ᭄ᬢᬫ᭟ᬬᬰᬲᬸᬫᬸᬃ᭞ᬢᬢᬫᬦᬦ᭄ᬳᬮᬸᬦ᭄ᬳᬮᬸᬦ᭄᭞ᬓᬢᭂᬓᬾᬂᬩᬜ᭄ᬘᬶᬗᬄ᭞ᬧᬓᭂᬦ᭄ᬳᭂᬫ᭄ᬧᭂᬮᬦ᭄ᬫᬓᬤᬶ᭞ᬢᭀᬫ᭄ᬩᭀᬓ᭄ᬳᬮᬸᬲ᭄᭞ᬮᬮᬾᬬᬦ᭄ᬓᬢᭂᬓᬾᬂᬰᬍ
ᬳᭂᬤᬩᬶᬗᬸᬂ᭞ᬳᭂᬤᬳᬫ᭄ᬧᬄᬗᬸᬢᬂᬤᬯᬸᬄ᭞ᬲᭂᬍᬕᬂᬫᬜᭂᬫᬓ᭄᭞ᬳᬲᬶᬂᬕᬯᬾ ᬮᬓ᭄ᬱᬦᬳᬶᬦ᭄᭞ᬳᭂᬤᬦᬸᬭᬸᬢ᭄᭞ᬦ᭄ᬤᬾᬦ᭄ᬫᬦᬶᬜᬦᬜ᭄ᬚᭂᬫᬓ᭄᭟ᬓᬤᬾᬦ᭄ᬳᬮᬸᬲ᭄᭞ᬢᬸᬯᬸᬄᬓᬤᬾᬦ᭄ᬳᭂᬦᬸᬮᬶᬬᬸ᭞ᬳ᭄ᬬᬂᬓᬮᬗᬦ᭄ᬢᭀᬲᬂ
ᬢ᭄ᬯᬭᬩᬸᬯᬸᬂᬳᬶᬤᬗᬫ᭄ᬩᬶᬮ᭄᭞ᬢ᭄ᬯᬭᬍᬲᬸ᭞ᬳᬶᬤ᭄ᬳᬫᬸᬯᬢ᭄ᬲᬗ᭄ᬳ᭄ᬬᬂᬳᬢ᭄ᬫᬵ᭟ᬬᬦ᭄ᬧᬶᬢᬸᬳᬸ᭞ᬳᬤ᭄ᬳᬳᬦᬓ᭄ᬥᬃᬫ᭄ᬫᬧᬵᬢᬹᬢ᭄᭞ᬲᬶᬤ᭄ᬥᬫᬓᬦ᭄ᬢᬾᬦᬦ᭄᭞ᬭᬶᬂᬳᬶᬤᬳ᭄ᬬᬂᬓᬮᬰᬓ᭄ᬢᬶ᭞ᬳᭂᬦ᭄ᬢᭀᬢᬸᬳᬸ᭞ᬢ᭄ᬯᬭᬓᭂᬦᬫᬵ
ᬢᬶᬢᬸᬳ᭟ᬓᬵᬮᬫᬺᬢ᭄ᬬᬸ᭞ᬢ᭄ᬯᬭᬳᬤᬮᬯᬲ᭄ᬩᬸᬓᬸ᭞ᬦᬗᬶᬂᬳᬶᬮᬓ᭄ᬱᬡ᭞ᬓᬢᭂᬓᬦᬶᬂᬲᬗ᭄ᬳ᭄ᬬᬂᬳᬸᬭᬶᬧ᭄᭞ᬫᬶᬲᬶᬩᬸᬓᬸ᭞ᬓ᭄ᬭᬡᬲᬶᬦᬄᬳᬾᬦᬵᬕ᭄ᬕᬮ᭄ᬳᬶᬮᬂ᭞ᬢ᭄ᬯᬭᬩᬸᬳᬸᬂ᭞ᬲᬗ᭄ᬳ᭄ᬬᬂᬳᬸᬭᬶᬧ᭄ᬓᬲᬾᬧ᭄ᬦᬸᬢᬸᬕ᭄᭞ᬦᬸᬢᬸ
[᭗᭒ 72A]
ᬕ᭄ᬳᬶᬮᬓ᭄ᬱᬡ᭞ᬲᬶᬦᬄᬓᬓᬶᬭᬗᬦ᭄ᬳᬸᬭᬶᬧ᭄᭞ᬕᬯᬾᬳᭂᬦᬸ᭞ᬳᬸᬭᬶᬧᬾᬳᬾᬗ᭄ᬕᬮᬦ᭄ᬢᬶᬗ᭄ᬕᬮ᭄᭟ᬫᬸᬂᬧᬸᬂᬳᬶᬤᬸᬧ᭄᭞ᬳᬾᬦᬵᬕ᭄ᬕᬮᬂᬚᬦᬶᬫᬗᭂᬧᬸᬂ᭞ᬳᬸᬭᬶᬧ᭄ᬳᬗ᭄ᬕᭀᬦ᭄ᬲ᭄ᬭᬡ᭞ᬳᭂᬤ᭄ᬳᬧᬸᬍᬲ᭄ᬦᭀᬗᭀᬲ᭄ᬲᬳᬶ᭞ᬳᭂᬤ
ᬓᬶᬫᬸᬤ᭄᭞ᬳᭂᬤᬗᬸᬘᬧ᭄ᬫᬦᬶᬧᭀᬯᬦ᭄᭟ᬳᬸᬭᬶᬧ᭄ᬮᬘᬸᬃ᭞ᬮᬶᬬᬸᬋᬋᬤ᭄ᬢᬸᬦᬭᬯᬸᬄ᭞ᬧᬸᬍᬲ᭄ᬯᭂᬗᬶᬜᬸᬯᬂ᭞ᬲᬸᬩᬳᬢᭂᬗᬄᬫᬕᭂᬤᬶ᭞ᬲᬓᬶᬢ᭄ᬳᬶᬗᬸᬂ᭞ᬳᭂᬦ᭄ᬢᬾᬩᬸᬯᬶᬦ᭄ᬜᬸᬯᬂᬚᬶᬯ᭟ᬳᬤᬸᬄᬮᬘᬸᬃ᭞ᬳᬸᬭᬶ
ᬧ᭄ᬢ᭄ᬯᬄᬳᬩᭂᬤᬶᬓ᭄ᬳᭂᬦᬸ᭞ᬳᭂᬦ᭄ᬢᭀᬬᬦ᭄ᬢᭀᬗᭀᬲᬂ᭞ᬫᬶᬯᬄᬳᬶᬦ᭄ᬤ᭄ᬭᬬᬫᬮᬮᬶ᭞ᬢᬦ᭄ᬧᬢᬸᬯᬸᬄ᭞ᬲᬵᬓ᭄ᬱᬢ᭄ᬫᬢᬶᬫᬭᬍᬓᬤ᭄᭟ᬚᬦᬶᬳᬶᬤᬸᬧ᭄᭞ᬤᬶᬧᬲᬶᬄᬲᬓ᭄ᬱᬢ᭄ᬓᬍᬩᬸ᭞ᬢᬸᬃᬃᬫᬗ᭄ᬯᬬᬕᬮᬓ᭄᭞
ᬲᬓᬶᬢ᭄ᬢᬸᬳᬓᬧ᭄ᬭᬶᬬᬢᬶᬦ᭄᭞ᬩ᭄ᬯᬬᬦ᭄ᬳᬶᬧᬸᬦ᭄᭞ᬳᭂᬦ᭄ᬢᭀᬗᬯᬾ ᬳᬸᬭᬶᬧ᭄ᬳᬶᬮᬂ᭟ᬢᬫ᭄ᬩᬧᬸᬦ᭄ᬢᬸᬮ᭄᭞ᬚᬧᬫᬦ᭄ᬢ᭄ᬭᬦᬾ ᬓᬍᬧᬸ᭞ᬳᭀᬫᬢᬦ᭄ᬧᬕᬸᬡ᭞ᬢ᭄ᬯᬭᬲᬶᬤ᭄ᬥᬦᬸᬮᬸᬂᬧᬢᬶ᭞ᬫᬢᬶᬧᬬᬸ᭞ᬚᬧᬫᬦ᭄ᬢ᭄ᬭᬢᬸᬮ
Kaca:Bali-lontar-gaguritan-paparikan-sarasamuscaya-300ppi.pdf/72
Kaca puniki sampun kauji-wacén
