Kaca:Bali-lontar-gaguritan-nilacandra-b-300ppi.pdf/38

[᭓᭗ 37B]
᭓᭗
ᬲᬸᬓᬦᬾᬦᬶᬲ᭄ᬓᬮ᭞ᬳᬗᭀᬩ᭄ᬫᬦᬶᬭᬫᬗ᭄ᬕᬶᬳᬶᬦ᭄᭞ᬳᬶᬦ᭄ᬤᬶᬓ᭄ᬕᬕ᭄ᬮᬭᬦ᭄᭞ᬲᬂᬳ᭄ᬬᬂᬯᬿᬭᭀᬘᬡᬍᬯᬶᬄ᭟᭜᭟ᬢᬸᬯᬄᬳᭂᬦᬾᬗᬯᬶᬦᬂᬳᬶᬤᬲᬂᬓᬺᬱ᭄ᬡ᭞ᬤᬸᬓᬳᬶᬤᬢᬦ᭄ᬲᬶᬧᬶ᭞ᬢᭂᬕᬭᬂ
ᬳᬾᬤᬾᬗᬂ᭞ᬩ᭄ᬯᬢ᭄ᬓᬰᬓ᭄ᬢ᭄ᬬᬦ᭄ᬳᬶᬤᬾᬯ᭞ᬫᬦᬶᬭᬧᬂᬲᬶᬤ᭄ᬥᬳᬸᬦᬶᬂ᭞ᬧᬭᬧᬸᬭᬸᬱ᭞ᬳᬧᬂᬧᬥᬫᬜᬓ᭄ᬱᬶᬦᬶᬦ᭄᭟᭜᭟ᬭᬭᬶᬲ᭄ᬫᬢᬸᬃᬲᬂᬦᬺᬧᬢᬶᬦᬶᬮᬘᬦ᭄ᬤ᭄ᬭ᭞ᬰᬶᬗ᭄ᬕᬶᬄᬭᬢᬸᬰ᭄ᬭᬷᬪᬸ
ᬧᬢᬶ᭞ᬮ᭄ᬯᬶᬃᬢᬶᬃᬣᬳᬫᬺᬢ᭞ᬤᬕᬶᬂᬯᬘᬦᬦ᭄ᬦᬭᬾᬦ᭄ᬤ᭄ᬭ᭞ᬬᬦ᭄ᬯᬾᬦ᭄ᬢᭂᬦ᭄ᬓᬬᬸᬦ᭄ᬦ᭄ᬭᬧᬢᬶ᭞ᬫᬗ᭄ᬤᬳᬸᬦᬶᬗ᭞ᬤᬕᬶᬂᬯᬿᬭᭀᬘᬡᬫᬸᬃᬢ᭄ᬢᬶ᭟᭜᭟ᬢᬶᬢ᭄ᬬᬂᬜᭂᬮᬂᬲᬜ᭄ᬚᬢᬓᭀᬦ᭄ᬢᬦ᭄ᬳᬶ
ᬤᬾᬯ᭞ᬫᬗ᭄ᬤᬲᬶᬤ᭄ᬥᬫᬗᬸᬦᬶᬗᬶᬦ᭄᭞ᬓᬯᬶᬰᬾᬱᬦ᭄ᬢᬶᬢ᭄ᬬᬂ᭞ᬰ᭄ᬭᬷᬥᬃᬫ᭄ᬫᬲᬸᬢᬫᬶᬘ᭄ᬙᬬᬂ᭞ᬧᬸᬦᬶᬓᬓᭀᬦ᭄ᬢᬦᬾᬍᬯᬶᬄ᭞ᬲᬫ᭄ᬧᬸᬦ᭄ᬓᬢ᭄ᬭᬶᬫ᭞ᬳᬦ᭄ᬢᬸᬓ᭄‌‌ᬰ᭄ᬭᬷᬘᬦ᭄ᬤ᭄ᬭᬪᬸᬧᬢᬶ᭟᭜᭟ᬦᬶᬮᬘ

[᭓᭘ 38A]
᭓᭘
ᬦ᭄ᬤ᭄ᬭᬭᬭᬶᬲ᭄ᬫᬜᬾᬤᬬᬂᬭᬕ᭞ᬫᬸᬜ᭄ᬘ᭄ᬭᬢ᭄ᬲ᭄ᬯᬦᬶᬢᬦᬾᬫᬶᬚᬶᬮ᭄᭞ᬲᬲᬫ᭄ᬧᬸᬦᬾᬲᬾᬤ᭞ᬮᬬᭀᬦ᭄ᬲᬂᬦᬶᬮᬘᬦ᭄ᬤ᭄ᬭ᭞ᬭᬭᬶᬲ᭄ᬓᬕᬶᬗ᭄ᬲᬶᬭᬂᬕᭂᬮᬶᬲ᭄᭞ᬭᬶᬂᬩᬮᬾᬓ᭄ᬭᬾᬢ᭞ᬮ᭄ᬯᬶᬃᬓᬤᬶᬫᭂᬋᬫ᭄ᬧ᭠
ᬢᬶᬲ᭄᭟᭜᭟ᬧᬸᬧᬸᬄᬲᬶᬦᭀᬫ᭄᭟᭜᭟ᬮᬶᬦ᭄ᬢᬗᬂᬤᬸᬫᬸᬦ᭄ᬳᬚᬳᬦ᭄᭞ᬲᬂᬲᬾᬤᬭᬶᬂᬢᭂᬗᬳᬶᬂᬚᬸᬭᬶᬢ᭄᭞ᬭᬶᬂᬧᬸᬭᬶᬦᬭᬚᬤᬾᬰ᭞ᬦᬾᬫᬗ᭄ᬓᬶᬦ᭄ᬘ᭄ᬭᬶᬢᬬᬂᬫᬮᬶᬄ᭞ᬫᬶᬦᬩ᭄ᬓᬤᬶᬢᬗ᭄ᬓᭂᬩ᭄ᬮᬗᬶᬢ᭄᭞ᬲᬤᬕᬶᬂᬧᬸ
ᬭᬶᬦᬾᬲᬸᬗ᭄ᬲᬸᬢ᭄᭞ᬤᬾᬦᬶᬂᬲᬫ᭄ᬧᬸᬦ᭄ᬓᬧᬶᬳᬃᬱ᭞ᬲᬾᬤᬳᬶᬤᬲᬂᬦᬺᬧᬢᬶ᭞ᬲᬦᬾᬓᬲᬸᬩ᭄᭞ᬰᬓ᭄ᬢᬶᬢᭂᬕᬸᬄᬫᬯᬶᬰᬾᬱ᭟᭜᭟ᬫᬦᬗᬶᬲ᭄ᬫᬲᬲᬫ᭄ᬩᬢᬦ᭄᭞ᬗᬸᬧᭂᬢ᭄ᬳᬶᬤᬲᬂᬳ᭄ᬬᬂᬯᬶᬥᬶ᭞ᬮᬮᬶ
ᬲ᭄ᬢᬦ᭄ᬧᬶᬲᬦ᭄ᬲ᭄ᬯᬾᬘ᭄ᬙᬵ᭞ᬲᬲᬫ᭄ᬩᬢᬾᬗᬲᬶᬳᬲᬶᬄ᭞ᬲᬮᬶᬂᬯᬭᬗᬶᬦ᭄ᬢᬗᬶᬲ᭄᭞ᬲᬸᬗ᭄ᬲᬸᬢ᭄ᬓᬬᬸᬦᬾᬓᬮᬗ᭄ᬓᬸᬂ᭞ᬭᬩᬶᬦᬾᬫᬓᬮᬮᬶᬫ᭞ᬧᬫᭂᬓᬲ᭄ᬫᬦᬦ᭄ᬤᬂᬲᭂᬤᬶᬄ᭞ᬯᬾᬦ᭄ᬢᭂᬦ᭄‌‌ᬗ᭄ᬮᬮᬸ᭞