[᭓᭓ 33B]
᭓᭓
ᬢ᭄ᬬᬭᬦᬦ᭄ᬥᬶᬗᬶᬦ᭄᭞ᬤᬾᬦᬶᬂᬲᬲᬳᬶᬫᬕᬶᬮᬧ᭄᭚ᬳᬃᬬ᭄ᬬᬓᭀᬗᭀᬘᬭᬶᬢᬬᬂᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬦ᭄ᬳᬸᬲᬦ᭄᭞ᬫᬗ᭄ᬭᬗ᭄ᬲᬸᬓ᭄ᬪᬸᬣᬦ᭞ᬫᬶᬚᬶᬮ᭄ᬫᬶᬭᬶᬗᬦ᭄ᬓᬓᭀᬩᬾᬃ᭞ᬪᬸᬱᬦᬳᬪ᭄ᬭᬫᬸᬭᬸᬩ᭄᭞ᬓ
ᬮᬶᬄᬕᭀᬩᬫᬗᬺᬲᬺᬲᬶᬦ᭄᭞ᬓᬧᬶᬢᬾᬓᬤᬶᬓᬾᬧᬂ᭞ᬩᬭᬓ᭄ᬓᬤᬶᬓᬶᬜ᭄ᬘᬸ᭞ᬢᬚᭂᬧᬾᬯᬮᬸᬬᬪᬚ᭄ᬭ᭞ᬓᬸᬫᬶᬲ᭄ᬭᭀᬩ᭄ᬭᭀᬩ᭄᭞ᬢᬶᬗ᭄ᬕᬮᬾᬫᬮᭀᬤ᭄ᬮᭀᬤ᭄ᬦᭂᬮᬶᬓ᭄᭞ᬗᬜ᭄ᬘᭀᬭᭀᬂ᭠
ᬫᬗᬲᭀᬃᬲᬹᬃᬬ᭄ᬬ᭚ᬢᬦ᭄ᬧᬭᬫ᭄ᬩᬸᬢ᭄ᬲᬶᬭᬄᬍᬗᬃᬲᭂᬮᬶᬂ᭞ᬫᬗᬸᬦᬶᬗᬂ᭞ᬘᬗ᭄ᬓᭂᬫ᭄ᬘᬫᭂᬤ᭄ᬢᬧᬓ᭄᭞ᬳᬸᬦ᭄ᬢᬸᬦᬾᬧᬸᬢᬶᬄᬗᬭᬾᬤᬾᬧ᭄᭞ᬩᬢᬶᬲᬺᬜ᭄ᬚᬂᬫᬩᬸᬮᬸ᭞ᬓᬸᬓᬸᬢᬚᭂᬧ᭄ᬯᬮᬸᬬᬢ
ᬚᬶ᭞ᬯᬃᬡ᭄ᬦᬦᬾᬬᬦ᭄ᬲᬯᬗᬂ᭞ᬫᬶᬭᬶᬩ᭄ᬓᬵᬮᬭᬳᬸ᭞ᬧᬫᬃᬕ᭄ᬕᬶᬦᬾᬚᬦ᭄ᬢᬦ᭄ᬚᬦ᭄ᬢᬦ᭄᭞ᬫᬫᬭᬦᬶᬦ᭄᭞ᬲᬶᬓᭂᬧᬾᬗᭀᬓᭀᬓ᭄ᬫᬭᬶᬭᬶᬕ᭄᭞ᬫᭂᬧᭂᬲ᭄ᬗᬦ᭄ᬢᬶᬧᬗᬦ᭄ᬤᬶᬓ᭚ᬳᬃᬬ᭄ᬬᬓᭀ
[᭓᭔ 34A]
ᬗᭀᬗᬦ᭄ᬤᬶᬓᬳᬭᬶᬲ᭄᭞ᬘᬳᬶᬫᬓᭂᬚᬂ᭞ᬩᭂᬮᬶᬳᬤᬶᬧᬥ᭞ᬦᬾᬚᬦᬶᬕᬦ᭄ᬢᬶᬫᬲᬾᬫᭀ᭞ᬫᬦᬸᬳᬸᬓᬶᬦ᭄ᬧᬓᬬᬸᬦᬦ᭄᭞ᬗᬫᬄᬦᬲᬶᬫᬲᭂᬩᬹᬃᬕᭂᬢᬶᬄ᭞ᬫᬳ᭄ᬩᬾᬚᬸᬓᬸᬢ᭄ᬮᬮᬲᬦ᭄᭞
ᬫᬢᬸᬯᬓ᭄ᬩᬵᬦ᭄ᬫᬭᬸᬲ᭄᭞ᬩᬸᬯᬢᬂᬚᬦᬶᬳᬗ᭄ᬲᭂᬳᬂ᭞ᬳᬧᬂᬲᬶᬤ᭄ᬥ᭞ᬇᬄᬘᬳᬶᬫᭀᬓᭀᬄᬳᬲᭂᬮᬶᬤ᭄᭞ᬲᬸᬯᬾᬢ᭄ᬯᬭᬓᬧᭂᬧᭂᬓᬦ᭄᭚ᬬᬤ᭄ᬬᬦ᭄ᬲᬳᬶᬫᬫ᭄ᬩᬳᬓ᭄ᬫᬫᬮᬶᬂ᭞ᬢ᭄ᬯᬭᬢ
ᬳᬾᬦ᭄᭞ᬫᬳᬦ᭄ᬳᬩᭂᬢᭂᬓᬦ᭄᭞ᬲᬳᬶᬳᭂᬫ᭄ᬩᬸᬄᬩᬶᬦ᭄ᬳᬶᬦᬦᬾ᭞ᬦᬾᬚᬦᬶᬳᬦᬢᬸᬤᬸᬄ᭞ᬧᬗᬦ᭄ᬤᬶᬓᬳᬶᬤᬲᬂᬳᬚᬶ᭞ᬫᬗᭂᬩᬸᬕ᭄ᬳᬶᬮᬮᬲᬦ᭄᭞ᬲᬮᬄᬳᬶᬧᬸᬦ᭄ᬩᬶᬜ᭄ᬚᬸᬮ᭄᭞ᬧᬮᬂᬧᬂ᭠
ᬭᬶᬂᬰ᭄ᬭᬶᬦᬭᬾᬦ᭄ᬤ᭄ᬭ᭞ᬓᬮᬶᬄᬗ᭄ᬭᬜ᭄ᬘᬩ᭄᭞ᬳᬶᬓᬢᬓ᭄ᬲᭂᬥᭂᬓ᭄ᬫᬮᬮᬶ᭞ᬲᬗ᭄ᬓᬦ᭄ᬦᬾᬚᬦᬶᬲᬚᬬᬂ᭚ᬤᬾᬦᬶᬂᬧᭂᬢᭂᬂᬧᬘᬂᬫᬦᭂᬓᬳᬶᬦ᭄᭞ᬳ᭄ᬤᬘᬳᬶ᭞ᬫᬫᬸᬦ᭄ᬤᬸᬳᬂᬳᬯᬓ᭄᭞ᬳ
Kaca:Bali-lontar-gaguritan-katak-300ppi.pdf/34
Kaca puniki sampun kauji-wacén
