Kembang Rampe Kasusastraan Bali Purwa Wewidangan I Buku II/Pamahbah
Sapamedal cakepan puniki wenten atur titiange amatra Sangkaning legan manah titiange. Kawiyaktianipun titiang sampun saking sue ngajap-ajap dumadak mangda prasida cakepane puniki endag sakadi sane karencanayang.
Yadian ja sampun prasida cakepan puniki kaendagang naler tepengan puniki manah titiang kemad, santukan geguritan miwah peparikan sane kapupulang puniki manut manah titiang durung gilik katamanin, duaning kantun akeh sane "peteng" kawentenannyane. Punika mawinan yadiastun endagan sane mangkin sampun kacetak naler titiang nunas geng rena sinampura sangkaning kanambetan titiang tepengan aji sane mligbagang paos kasusastran punika kantun kirang. Duaning sapunika tanmari titiang nunas ajah sesuluh ring para pamaos mangda sida titiang mentas ring margi agung sane mligbagang pariindik kasusastran. Cutetipun sakadi atur titiang sane riin yadiastun cakepan puniki sampun kaendagang, naler manut manah titiang kantun marupa tetegar.
Sapunika atur titiang mangda para pamaos pawikan, saha kadulurin antuk pangaptin manah titiang dumadak cakepan puniki mapituas.
Titiang
I Gusti Ngurah Bagus
I Ketut Ginarsa