34
tēnēnan kadoet, lantas abă kepaon, kegelebegē, kebadan sampinē moeah kegelogor tjelengē, awai pang pindo, semengan moeah ngelingsirang; petengeko masih pang pindo, dinoedjoe asirepan rarēnē moeah didas lemahē; ngepoean abă keabianē. Jēn soebă atiban, oelihang, rēh nē pekakas tetamaan. Jēn mēn soegih kendel atinnē toer goegoena pesan sepitoedoeh balianē ento, peteng lemah ingetangă dogen.
Kotjap noedjoe iă ningalin kepaon, rowangnē sedek memaling baas moeah bē, nelokin kebadan sampinē, tawangă sampinē toeară baangă amah-amahan. Petengē delokină gelogor tjelengē, saget rowangnē ngedjoek koetjit lakar adepă. Dinoedjoe iă nelokin gelebegnē anē lenan noewoenang padi. Mară iă keabianē, tawanga poenjan njoehē telah boeahnē, noe boengsil dogēn, basēnnē kanti ligir, woh-wohanē telah paling anak. Baan iă djemer pesan noewoetang pengadjah balianē ento, seperetingkah rowangnē tawangă, kanti irowang padă takoet njalanang bikasē anē djelē boekă nē soeba-soeba. Ditoe mară kesoegihan men soegihē njak ngoendjoekang.
Soebă kanē atiban, men soegih lantas koemah balianē lakar ngoelihang pekakasē ento. Mară iă neked ditoe, lantas noetoerang oendoeknē toer ngomong kenē: ,,Djero balian, wiakti betjik pisan pekakasē poeniki. Jēn tan ngeranajang sisip, toenas titiang malih atemoeang. Ibalian kedek sambilangă mesaoet: ,,Endēn, nē lakar gagah maloe, apang men soegih nawang isinnē," Kekapoetanē ento lantas gagahă, misi deloeang alempir, adă sesoeratan kenē: dă ngandelang gegaem irowang dogēn, pepepesin delokin, apang dă bakat tjeledă gelahē.
