Kaca:Warna Sari Tjakepan Bali Sastera Belanda.pdf/32

Saking Wikisource
Kaca puniki kavalidasi

32


Anaké ririh lioenan ngarap gegaen sambilang negak, anaké belog mesoeang bajoe medoeloeran peloehné. - mekotjogan.

Jadian amoen apă abot gegaéné, dă meselselan, seke- bedikin ngarap, mékelo-kelo dong peragat gegaené ento, ingetangdjă. jehé ngetel, njidajang ngesongin batoe.

Meladjahang déwék, oepamaang memoela poenjan kajoe, dimani poeané boeahné bakat alap.

Jén anaké melaksană ajoe tekén déweke, wales baan laksană ajoe. Jadiapin déweke djelékang anak, . dă walesă baan djele, sesidă-sidajan wales baan rahajoe, kerană idă Sang Hiang Peramakawi toesing kesamaran, separi polah anaké keoeningin.

Anake ané ngagoe, merekak, mokak, pepes nepoekin kekewehan moeah lioe ngelah moesoeh, pitoei Jaksanané ané kéto ngoepadi kegedegang anak. Toengkalikanne, anaké ane pelapan toer ngesorang dewek, pedas memang- goeh rahajoe toer teresnaină baan anaké.

Jén tjai metetoeloeng tekén anak, adji berană, moeah adji daja oepajă moeah adji bajoe, dă pesan komong- omongang wiadin kinget-ingetang moeah da ngenehang pengewalesné, Idă Sang Hiang Widiwasa ane lakar ngewales laksanan tjainé ané melah wiadin ané djelé.

Anaké soebă padă nawang, njéndjă ane njoeang beranan anak lén tan saking pedjalan rahajoe, tan pariwangde lakar sisip. Jadian keto masih lioe ane moeroeg. Dinoedjoene ketara toer mepangkeng, ditoe mara maselselan toer ngasen awake pelih.

Jén saking kenehe soeba demen, toesing koeang Peomongan anggon ngadjoem; jan soeba gedeg, masih medoegdoeg omongé anggon njadtjad wiadin njedă.

Jén soebă gantinné bagiă, adji belogko sidă baană ngalih kebagianne; jen ganting latjoer, kenkénangă baană ngekanang, latjoere masih ngoeber. Nanging sewireh anake toeara nawang tekan kebagian moeah kelatjoeran deweke, dă soewoed noenas teken Sang Hiang Kawi, apang masih keitjen kerahajoean.