30
miwah 1, ring pantaraning angkă 1 miwah 2 wiadin sanē lian-lianan, semalih djaoem pandjang matoedjoeang angkă 6, poenikă kewastanin djam setengah 1, setengah 2, seloeiripoen. Lianan ring poenikă ring boenteran djam poenikă wenten sanē medaging djaoem alit pisan, gelis pemarginipoen. Sane ailehan amenit soeēnipoen; boenteran sanē kemarginin djaoem alit poenikă taler kebagi 60 bagian, sanē keanggēn metoedjoeang sekonipoen. Bagian poenikă medaging angkă oegi, mekadinipoen: 10, 20,30,40,50 miwah 60, wiadin: 15, 30, 45 miwah 60. Ērlodji poenikă kekarjanin antoek mas, selakă, nēkel wiadin wadjă.
28. SANG TJITJING ALAS TEKĒN DOMBĂ
Adă konē toetoeran anak ngangon dombă di sisin alasē gedē. Wirēh dombanē lioe pesan, lebihan tekēn satoes lioennē, rasă toeară njidajang iă ngangonang pedidijină, sangkană iă ngadjak tjitjingē gedē-gedē patpat, toendēnă noeloeng njagă dombanē. Tjitjingē ento soebă adjahină medingehang soeling, sebilang soelingē oepină, itjitjing padă tekă.
Sedek dină anoe kală sandjă anakē ngangon enti gegerēsowan moelih, kanti teră tawang adă panak dombă aoekoed bakat kalahină. Iă medem bēten poenjan kajoenē gedē; mară iă bangoen, tengkedjoet pesan, timpalnē mekedjang toesing adă, moeah matanainē soebă ngantiang engseh. Ditoe lantas iă tjembē-tjembē sekereng-kerengnē ngaoekin timpalnē; nanging tan pegoenă, rēh anakē ngangon soebă djoh. Doegasē ento adă tjitjing alas ningeh moenjin panak dombanē totonan, lantas iă pesoe ketegalē, ngodjog ketongosnē ento. Mară tingalină adă panak dombă, tagih sagerepă toer tagih amaha. Panak dombanē ento takoet pesan, awaknē ngedjer, telah bajoennē, kenehnē tan oeroengan iă mati. Setondēnē sang tjitjing alas neked ditongosnē, sagēt iă ningalin soeling pengangonē njelekētēk disampingnē.
