26
Ketjerită djani dingerajoenang Idă anakē agoeng, seananing anē ambil Idă, loeirē: adjengan, oelam, djangan, tojă, mekedjang dadi mas. Ditoe anakē agoeng mară oening tekēn kesangsaran anak lobă, koedoe-koedoe boengah tan peoendoek, sarwi ngandikă tekēn rabinnē: ,, Adi, kēnkēn beli toeara bisă medaar, toesing njidajang beli naanang sedoek basang. Jēn kēnē dogēn oendoek belinē soekajan soebă teră ngelah mas, padaang tekēn dēwēk belinē lakar kesangsaran." Saking pitoedoeh Widi, soewoed Idă ngandikă kēto, lantas masē itoeni makedjang ilang boein melipetan boekă djati moelă.
25. TJETJIMPEDAN.
Apăkē: Mirah asiboeh? Testes asiboeh? Laboeh masoerjak? Geleboeg nengēng? Tembelilingan megantoeng? Tjekoek kedjengitin? Kerē-kerēk ngedjohang? Panaknē djekdjek, mēmēnnē gisi? Mēmēnnē djekdjek, panaknē tjekoek? Anak bongkok, kereng njoewoen? Lengar megantoeng? Toelih, toelih ngedjohang? Megeleboeg mesapoet? Ngamah atjepok, betek sai-sai? Anak bongkok metjapil? Aloekoen oeloeng sekebidang? Siap poetih megoewoengan kerē? Loeas mebadjoe gadang, moelih mebadjoe koening? Anak satak mekesatak meteloesoek? Iă medjalan; nanging nongos? Memenă megambahan, panakă mepoesoengan? Djangkerik ngetjik doewoer goenoengē?
