25
noenas pisan ring pitoeloeng djeronē sanē paitjaang ring
tiang." Pan Karsă lantas noetoerang oendoeknē. Mară dingehă kēto, adă anē kedēk, ngenehang dajan Pan Karsanē, adă anē djengah baan kabelog-belog moeah adă anē ngrengkeng nemah-nemah. Djapi kēto pajoe soebă toejoeh megarapan; Pan Karsă adjaka pianaknē padă kendel nampi oepahnē.
24. LOBĂ
Nē maloe adă anak agoeng daat lobă, peteng lemah tan mari Idă ngastawă Sang Hiang Widi, apang mangdēnnē didjagatē toesing adă memadēn boeat kesoegihan Idanē. Boeină toesing pesan Idă kajoen medană artă tekēn pandjakē anē kesangsaran. Noedjoe peteng, Idă mereraosan sareng rabinne, kēnē pangandikannē:,, Latjoer pesan dēwēkē idoep dadi manoesă toeali akedjep. Jēn dadi baan beli noenasang tekēn Idă Sang Hiang Peramăkawi, apang beli njidajang metoewoeh 100 tiban. Ditoe pedas beli njidajang moendoehang kesoegihan goeminē nē. Jēn soebă kegelah baan beli, rasă oemahē nē bakal telēpok beli ban mas makedjang, apang toesing adă memadēn boeat keroehannē didjagatē tēnēnan". Soewoed Idă ngandikă kēto, sagēt Idă mireng soeară tan peroepă kēnē: ,, Boeat pinoenas tjainē mekedjang bakal kelinggihan. Mani semengan asing djemak tjaiko mekedjang dadi mas. Mară Idă mireng soeară kēto, seneng pisan pekajoenan Idăne, lakar kelinggihan sepekajoen Idă.
Ketjerită boein mani semengannē Idanē metangi oeli pemereman, lantas Idă ngoengkabang kelamboe, sagēt kelamboenē dadi mas. Anakē agoeng kasob pekajoenannē njingakin kelamboenē soebă mesalin dadi mas. Ditoe lantas Idă medal ngampakang lawangan, bakal mesiram ketaman. Ento masih mesalin dadi mas. Asing ambil Idă; loeirē: lawangan, andoek, jēh moeah anē lēn-lēnan, makedjang dadi mas. Jadiapin Idă anakē agoeng tan polih mesiram, kajoen Idă seneng kēwanten, kebatek antoek kelangen pekajoennē.
