Kaca:Warna Sari Tjakepan Bali Sastera Belanda.pdf/24

Saking Wikisource
Kaca puniki kavalidasi

24

noetoerang. Boein awai megaé, pedas iă bakal nampi oepah lioe: Jén kénkén bajă, maninné semeng séméré lakar ketampiang téken ane moepahang, sagét petengné oedjan bales pesan medoeloeran angin. Apeteng Pan Karsa toesing bisă poelés, ngenehang gegaénné, takoet séméré bek keoeroegin tanah. Maninné noe roepoet iă adjakă pianakné nelokin sémere sambilangă ngabai tam- bah. Toeară pelih baan ngenehang, sémére bek adji tanah. Mară ipianak ngenot keto, iă sedih pesan sambi- langă ngerengkeng, réh tan pegoenă gegaenné ane soebă- soebă. Pan Karsă masih mepangenan, mekelo iă toeară bisă ngomong, mangenang kelatjoeran déwéké; nanging- ké iă tansah ngalih dajă, apangă gegaenné aloehan tekén ibi poeané. Poepoetné iă ngomong tekén pianakné kéne ,,Ih tjening, dă tjai kéweh, boein akedjep dong ilang tanahé ané ngoeroegin séméré be." Ditoe Pan Karsă lantas ngantoengang badjoe moeah tjetjapilne ditongose ngantoengang boekă ane soebă-soebă; pianakné masih, noewoeteng separi tingkah bapanné. Boeină tambahe ane besikan bantangné tantjebangă ketanahe ane ngoe- roegin séméré, moeah ané lenan pedjangă disisin semere. Soewoed kéto lantas kalahina mengkeb, kene omong bapanne: ,,Tjening, djalan djani kalahin mengkeb, doemadak ada masih anak ane metetoeloeng noembegin semere ne.

Ketjerită anake ane mentas ditoe padă ngon, ningalin badjoe moeah tjetapil megantoeng paek teken semere, toer ane ngelahang toeară adă, apă boein mară adjinangă adă tambah ditoe. Alihină toesing adă, kaoek-kaoekina teră adă mesaoet. Sajan mekelo sajan lioe anake padă kemă toer padă ngenehang, anake ne ngae semere koeroegan baan tanah ditoe. Lantas saasă njemak tambah, padă noembegin semere ento, tanahe kegediang. Baan lioen anake ane megae, boeină tanahe noe geboeh dadianja toeara mekelo semere ento soeba kedas boeka ibinne. Ditoe Pan karsă melaib-laib teka toer lantas ngomong kene: ,,Inggih djerone sareng sami, tiang