14
len-lēnan. Penjelengē ento gaēnă adji tēmbok toer misi kori. Kori penjeleng karang sanggahe keadanin pemedal sanggah, moeah kori penjeleng tongos oemah metēn teken gelebege kori petengahan adannē. Tembok penjegkerē anē ditebēn masih misi kori, keadin kori pediwangan. Tēmbok penjengker pekaranganē ento lioenan gaeă baan tēmbok pepolpolan toer raabină, apang toesing eng- gal bah. Boeină sebilang samping korinē gaēnangă sombah, woeswoesan jeh. Pekarangan anē tegehan ke- loean ento anē paling melahă. Disamping pemedal sang- gah moeah kori petengahanē misi Djero Gedē.
18. WIT KELAPĂ.
Ring pekarang oemah, abian, tegal kalih ring penjaitan tjarikē makēhan ketandoerin wit kelapă. Wangoen wit Kelapă poenikă gilik toer pandjang, akahipoenē akēh nanging alit-alit. Wit poenikă tanwenten metjarang sekadi taroenē sanē lian-lianan. Ring sepandjang wit poenikă mekanten geet-geetipoen, petjak genah bongkol papahipoenē medeket. Genah daoen kelapă poenikă ring moentjoek witipoenē. Wit kelapă poenika makehan sanē tegeh, sanē pinih tegeha wetară 17 depa. Daoenipoenē tanwenten loembang-loembang, nanging pandjang-pan djang kadi kerisē. Ring basă tengahan daoen poenikă wenten lidinipoen, miwah bongkolipoenne medeket ring papahipoen. Tetingkahan genah bongkol papah poenikă selang-seling meileh, kehipoenē sanē apoewoen wetară 25 katih. Ring selag-selagan papah poenikă wenten paangan. Njoehē sanē apaangan wetară wenten 10, keh-kehipoen wetara 15 boengkoel; poenika kewastanin aidjeng. Ageng woh kelapanē aboengkoel sekadi sirah djanmanē sanē ageng, wangoenipoene boenter. Boengan kelapă poenikă kewastanin teroktokan, pengapoetanipoenē keloeping wastanipoen. Ring bongkol-bongkol papahē wēnten tapisipoen. Jan moenggoeing kelapă poenikă megoenă pisan ring imenoesă, nēnten wēnten sanē mekoetang. Wit
