Kaca:Warna Sari Tjakepan Bali Sastera Belanda.pdf/13

Saking Wikisource
Kaca puniki kavalidasi

13

adā kekolongan bisa antjog-antjog.” Bapannē kedēk kanti simpatan, ban tawah petakon pianaknē, lantas iā mesaoet: ,,Anē tawah-tawah takonang tjai. Nē poh paitjan Idā Betarā oeli soeargan, anē manisnē toearā adā padā digoeminē tēnēnan. Keranā bapā kitjēn tekēn Idā Betarā, banē bapā djemet megarapan. Njēndjē anē djemet ngalih gegaēn, pedas iā kitjēn poh soeargan.” “Mesaoet I Koepit: ,,Tiang oeling pidan soebā djemet pesan ngopin bapā megarapan, ngoedā tiang toesing kitjen? Jan pinih beneh peitoengan tiangē, pohē ento djalan doem bareng-bareng, apang tiang nawang asannē, - Boein mesaoet bapanne: ,,Tjai toesing wenang naar pohē nē, rēh adā pengandikan Betara tekēn bapā; jēn bapā ledjeh mekidihang pohē nē, pedas bapā mati.”


Ketjeritā djani sesoebannē padā soewoed mepomongan keto, lantas bapannē ngebah diampikne, sagēt poeles geris-geris, ban tisnē sirsir angin. Marā tingalina tekēn I Koepit bapanne poeles, lantas iā njemak pegemgem, bakal anggona ngaboet batoen salakan bapannē, ane orahanga poh paitjan Betarā Kalā ento saasā iā ngaboēt; nanging njaoeh band njatoet, bantas babak. Marā asenā sakit, lantas bapannē ngerēdag bangoen kepoe- poengan toer nindjak I Koepit kanti ngeling gelalang- geliling. Kēto ketoetoeran anakē demen ngoejonin anak.

12. PEKARANGAN OEMAH.

Oemah anakē di-Bali lioenan anē ngelah pekarangan. Wangoen pekarangan oemahē ento merepat dawā, keiderin baan tembok. Pekaranganē anē sedengan anak akoeren, keadanin asoeloeh balangan. Karangē asoeloeh balangan keloemberahanē keseleng dadi teloeng bagi nganoetin dawannē. Pekaranganē ento lioenan medoeloe kadjā moeah kangin. Kadjā moeah kanginē ento keanggon loean. Bebagian karangē anē diloean tongos sanggah, anē ditengah tongos oemah metēn, mambeng moeah paon, anē paling tebēnā tongos gelebeg, oeboehan moeah anē