Kaca puniki kavalidasi
Tresnane Mabunga Mati
LADING DESA
Ipidan taén tiang nyawénin bunga
sepanan tiang nyiramin
minab akahné panes
donné layu
carangné empak
ampehang angin gunung
ulung ditengah danu
makipu kaput endut
bengong tiang sing pesu keneh
bungané benyah buwug.
tukang pedau
kitakkituk ngerumuk
ningalin bungané
lenyug kaput endut
minab liu tuara kapi rungu
tekén ibunga
sangkan payu maguyang
kedékin gumi.
74