Kaca puniki kavalidasi
Tresnane Mabunga Mati
IDUPE JENGAH NGINYAH
Dadi kéné panes atine
Sing pesan ada kesiran liang
Makejang paling mandang minding
Paklejat sat ketekung mapanggang
Uyang panes bara
Bek mabunga inguh
Lilit sedih
Tambug gulem peteng
Kija majalan
Nyén saduin
Jagate peteng sepi
Ada sisan kenyem
Némpél sing ngisengin
Keweh nuptupang semu nau
Panese mangentak morbor tangkah
Idupe gendingang sedih
Jangih misbis liang
Kanti kéwéh ngingetin
Suba campuh maurug sebet
dija tuptupang sisan angkiané
Dekdek benyah dadi banyah
44
