Kaca puniki kavalidasi
Kumpulan Puisi Bali
NGEPUNG LAWAT NYUH BULAN
Nyuh gadingé kembar ilidin tapis
Nundun manah tiang meréngang
Nundén ngindang ngepung liang
sedih tiang,cara icrukcuk poléng
nuluh bantang kayu kambang
Ngudiang jail ipunyan rasa
nundén ngepung munyin lutung
Tamengan kéné, aget ada kakupu
masemu guyu ngentungin nau
buwung tiang jengkang
pantigang bimbang
nanging ibungan tunjung
ane apitang pundukan telaga
setata ngésgés keneh tiang
nunden nyekel ngepik
tur ngulak ngulikang
apang tusing layu padidi
kanti kecong tidakan tiang
tan prasida nyeleb telaga
kalingké ngepuk nyuh bulan
29