Kaca:Tresnanē Mabunga Mati.pdf/16

Saking Wikisource
Kaca puniki kavalidasi

Kumpulan Puisi Bali


SEBENG DEWA

Cara saja tindakané
Sing ngitung peteng lemah
Mekejang mabasa seken
Masajaang munyi saja
Nanging ..........
Cara tain jaran ujanan
Sasih kaulu lingsir sanja
Ampehang angin dingin
Milu ngojarang keneh
Nundén masugi
Apang galang peliaté
Munyin enggung jangih
Ketemplang ketemplung
di pangkung suung mangmung
Kanti rebut buyung
Rejeng ketekung pelung
Saja lutung bingung
Engsap tekén tendas berung
Seken nyakupang lima
Sembah puyung
Ngagen nunas panugrahan

5