Kaca puniki kavalidasi
Kumpulan Puisi Bali
GUMINE SEPI
Punyan kayué bengong
nanging ada sisan damuh
di muncuk padang kawaté
nyambangin liang I Kékér
cékér-cékér di tengah krangkéngé
engsap tekén I alas ané ngupa jiwa
engsap lekad di tengah alas
engsap mabanjaran ngajak klesih
oncrét, muah prani lénan
jani I Kékér liang galang
selid sanja ada ngayahin
ngelah parekan lan panyeroan
anteng ngayah maang ngamah
kuting tai ada ngitungang
Katuju lakar matarung munyi
ibuk uyang di guungan
inget tekén braya di alas
nanging takut majalan padidi
wiréh alas joh tekén kota
di jalan cicing liu macakal
135
