Kaca puniki kavalidasi
Kumpulan Puisi Bali
KEPUNG LAWAT BULAN KEPANGAN
Rambut selem demdem
Maombak ngayunang manah liang
Ditu tongos ngengkebang sedih
Misadia ngejot liang
Engsap tekén angin suung
Makebir ngaba rasa
Tusing galang
Ada kebitan keneh
Luas ngalih telaga lega
Paak tingalin nanging ejoh dirasa
Wiréh sing tepuk rurung luung
Bengong tiang ngantiang
Tusing ada ngungkab lawang
Alas tusing madurgama
Nanging madinding manah sungsang
Liu ada muncuk nguda
Makelap nundén ngepik ngejuk
Maserana tresna rena
3