Kaca puniki kavalidasi
Kumpulan Puisi Bali
BAKTI SUJATI
Andus dupané ngigel
ngungsi ambara
ngeberang ambu merik
nundun manah liang
galang apadang
Suaran cekcek macingklak
maka saksi subakti
ngatehang manah tulus sujati
ring hyang widi olas asih
makenyit galang
dupa suksmané
madipe idepé galang
tan wénten sané tungkasin
margi mulus tanpaceda
Yan sampun jangkep panemaya
tan dados tolah tolih
mamargi matungked galang
mapayung puyung sugih
madayung suaran tuu-tuu
121
