Kaca puniki kavalidasi
Kumpulan Puisi Bali
TOPENG KEPUPUNGAN
Langit pelung melalung
gulem selem nyilem
ngeligas kedas
angin leplep pules
punyan kayu layu
nyegir ligir.
Bibih gidih
topéng tugek ngerekek
serara-serére mocé
kauk-kauk celuluk
maseman kén cempaluk
ngaku sadu sing mabaju
bes ngagu...!!!
Degag pati gabag
mata buta liunan peta
ngorta cara saja
peragat sing mabasa
mara lekad ngaat ngindang
kampid tan pabulu
101