Kaca puniki kavalidasi
Kumpulan Puisi Bali
LAWAR MUNYI
Jani guminé mabading
keneh manusané cara kekomoh
leget putek nyangket
tusing masasangi
mayah munyi
cerik-ceriké lebihan meli munyi
pules magaleng munyi
majalan mapaid munyi
pemangku
pedanda
apa buin tukang paling
égar manah panjakang munyi
ngudiang jani munyiné maal.....?
makejang melantaran munyi
madagang mabelanja madasar munyi
matimpal
mamitra
memaling
korupsi
nunas ica
munyi meragatang
99
