Kaca puniki kavalidasi
- 10 -
Buin pidan lakar katepuk adil-makmure
yenning ucap-kaucapang sajroning bibih
buina ane lakar daar jani
enu majarag ajak matan-ai
(Bulan cungih ngintip di gentenge kepeh
nyinarin atine ane sayan ngahngah
maminehin unduk idup kaidupane)
Yen kapa dadi tunas-katunasang
suud suba ngurab idupe aji perlambang
wireh tusing ngranayang basang betek
sajabaning buka bedake semerin
(Tusing mrasa yeh matane neltel
ningalin petanine, nasine bungkil biu)
Suud suba ngakuang ane melah-melah
cutetne jalan jani pada buktiang
kaadilan ane kamakmurang
kamakmuran ane kaadilang
pinunase polos tur jati.
