PUH DURMA
1. Geger gemuruh maring jero nagara, kang wong awara-giri, kanggek raksasa mulat, dening agunging pawaka, adenden awerin-werin, jeroning pura, antian anggegap wisti.
2. Rame pada pasliwer atanya-tanya, pada tan hana ngawruhi, kwehing bala raksasa, tumulung punang pura, pada tan anahen kapti, maring udiana, jro puri telas binasmi.
3. Ring kadatuan ika pada geger humiang, gumuruh suaraning tangis, tan weruhing paran, glanalara cetaka, gelis genine ngalindih, maring nagara, kabeh ya pada basmi.
4. Dewi Yadnyawati mangkin kacarita, bayan sangit mangiring, lawan Tilotama, nrepaputra tan pasah, pamargine pada gelis, rawuh ring alas, Nitiharsa matur aris.
5. Yatna-yatna, ratu seregang mamarga, puniki wenten i wil, rauh saking gagana, mangda sampun kacirian, i ratu mangkin mamargi", sang nrepaputra, prayatna ngunus keris.
6. Dahat kacaryan punang yaksa lumihat, raris ipun mawali, rauh di nagara, raris manuturang, yan ida Sang Yadnyawati, ida mamarga, ring tengahing wanadri.
7. Sareng wong kakung rupane tan papada, baguse tuara nandingin, lanang mungsanunggal, saksat kadi ambara, yan manusa tuara bani, teka laksana, ring nagara Priagjioti.
8. Nene mangkin i parekan mangaturang, ring ida sri bupati, ring Magadapura, antuk Sang Yadnyawati, duaning ida wus lumaris, maninggal pura, miringan inya sangit.
9. Sregan ida sang rajaputra . . . . .?, jarasanda namaneki, raris ida ngateg, wadua saha sanjata, pamargine ngetut buri, Sang Nrepa Samba, prayatna ida mamargi.
10. Kacrita saget rawuh maring alas, tepisiring nagari, maring
88
