10. Sang Prabu Darmawangsa madue putra, nyeneng ratu siniwi, di negara Medang, waluya Sanghiang Smara, Ida tumurun ngraganin, Sang Kameswara, pesengane Sang Aji.
11. Prabu Kameswara kocap madue putra, Prabu Erlangga wiakti, mlinggih di Jawa, Mpu Pradan patirtayan, punika ugi nembenin, Agung ring Jawa, wuwus anyakrawati.
12. Prabu Erlangga masih madue putra, lanang-lanang kekalih, Prabu Jayabaya, pasengane luhuran, nyeneng ratu makakalih, Sang Prabu Jayasaba reke sang ari.
13. Kocap polih mawiadi mawanan yuda, rame mamati-mati, Sang Prabu Erlangga, mamateh boya sida, Prabu Jayabaya ugi, sreng maindah, tan ngiring kayun aji.
14. Awanane purun pralanggia mamindah, antuke sampun polih, mamati-matian, kaulane wetara, wenten siunan ne mati, yen mangiringang, kayun Ida Sang Aji.
15. Kapateh punapi polih i kaula, sampun mengemasin mati, ngiring pakayunan, sang kairing saget mapateh-petehan malih, boya polihan, i kaula miutangin.
16. Punika awanan prabu Jayabaya, kadi tulak tan ngiring, mapateh-matehan, Ida Prabu Erlangga, keweh mangraosin raris, ngaturin Ida, Mpu Pradah mangraosin.
17. Mangde sida pateh mapatut-patutan, Mpu Bradah pramangkin, mamargi ngarosang, mapaleh sang mayuda, Prabu Jayabaya ugi, naler mamindah ne kapagehang wiakti.
18. Kadi ature ring Sang Prabu Erlanggia, makadinipun meling, ring sesanan satia, bratane ring payudan, tan angitung sanak tuwi, lan kadang warga, punika ne kapindrih.
19. Ida Mpu Pradah klintang pisan duka, antuke tan sairing, Prabu Jayabaya, raris Ida Mpu Pradah, Kayun manemah pramangkin, yang tangiring, mapateh mangde radin.
20. Sang Prabu Jayabaya raris ngiringang, naler mangwidi, ring Ida Mpu Pradah, mangde ica nguripang, kawulane makweh mati, Ida Mpu Pradah, sueca wantah ngadianin.
21. Raris kapangandikayang manambunang, soroh bangkene sami, sampun kabecikang, punduhang makejang, matambun dadi abesik, wetara ada, bangke angan duang tali.
39
