kalih, bilang patapan di gunung, genah mangalih karma, masih tong ada kapanggih, mapesengan, Sang Jaratkaru samapta.
17. Lumbrah wretane ngucapang, yan reke Sang Naga bumi, madue putra mapasengan, Sang Jaratkaru sawiakti, ayu tuara nandingin, kocapan Sang Jaratkaru, pramangkin manyidayang, ka saptapatala, mamadik, Sang Antaboga saure tan panjang.
18. Wantah ngaturang pisan, kocap raris mabuncing, sregep saupakara, di saptapatala wiakti, genahe ngalap rabi, tan kocap sampun puput, pawarangane lantas, Sang Jaratkaru sang kalih, raris budal, mangungsi ka patapan.
19. Sampun sang kalih samapta, makurenan selami-lami, pada karenehan tresna, Sang Jaratkaru Nagini, kocap sampun garbini, wenten limang sasih sampun, durung inganan embas, kocap bu mara lingsir, dauh lima, sang Jaratkaru kocapan.
20. Sagetan merem-mereman, Sang Jaratkaru Nagini, masanding tong dadi belas, sarwi mameteking, Sang Jaratkaru arip, sada mangraos sang lesu, raris alon ngandika, Sang Jaratkaru Nagini, "Titiang ngemar, depang titiang masepsepan.
21. Anging i dewa elingang, tongosin titiang ne dini, eda pisan nundun titiang, apan tuara pisan dadi, jele puaranya dadi, Sang Nagini Jaratkaru, tutut tan purun pisan, piwal Sang Jaratkaru, ngraris sirep, pisan tan pangetan painganan.
22. Sampun dahat surup surya, naler tan wenten matangi, antuk kalesone dahat, Sang Jaratkaru Nagini, meling ring sang maniti, brata matrisandia, Sang Jaratkaru Nagini, manglaluang, raris mananginin raka.
23. Meling ring piteket raka, tuara ngicen mananginin, yen tanginin sing nya iwang, yen teka tuara tanginin, singnya iwangan malih, apan painganan sampun, manglekasang Trisandia, Sang Jaratkaru Nagini, manglaluang, raris mananginin raka.
24. Sang Jaratkaru magegas, matangi duka tan sipi, "Kenken krana nundun titiang?, suba ko titiang mamunyi, telesing tuara dadi, i dewa pacang manundun, dadi i dewa tulak, teken munyin titiang wiakti, baya tuduh, i dewa belas ring titiang.
36
