45. Kundalane kaelingang, kagenahang di sampinge masuci, bau mara mareraup, raris malangsuan raga, saget ada mawarna dewa rauh, di samping kundalane waspada, mirib ngantiang masuci.
46. Sang Utangka tan minaha, saget dadi kasingse pramangkin, kundala manike sampun kajemak kaplaibang, raris waluya naga Taksaka murub, cayane di 'ambara, mlaibang kundala manik.
47. Dadi kagiat Sang Utangka, pramangkin katutug katutburi, satiba praning laku, karuruh kasajayang, Sang Naga Takssaka gelisang macelup, ka goane mailidan, sampun di goane sepi.
48. Kacarita Sang Utangka, masih kalunta-lunta ngetut buri, tan sipi dukane metu, anging masih ngaksama, sambil managihang kundalane antuk, pacang panggurujaga, katur ring Sang Guru Patni.
49. Rauh ka saptapatala, Sang Utangka taler ngetut buri, sagetan ada katepuk, anak luh padaduanan, nunun benang selem tekening putih ditu, Sang Utangka manakonang, lakun Sang Taksaka mlaib.
50. Masih tuara karwan genah, ada buin katepuk anak cerik nemnem liunya matambun, pada manguyeng cakra, Sang Utangka buin manakonin jujut, masih tong karuan
genah, saget ada buin kapanggih.
51. Anak odah nandan jaran, lantas anake odah manuduhin, matakon munyine alus, "Ne jani Sang Utangka, yen mabudi apanga sida katepuk, Sang Taksaka mlaibang, kundala manike luih.
52. Ene jit jarane anggon, manyidayang canggol lautang upin, apanga mesuang andus, manusdus I Taksaka, di goane laut ya bekbekan pesu, manyerahang kundala," Sang Utangka mamisinggih.
53. Raris manyanggem ngelisang, jit jarane laut kaupin, apanga mesuang addus, manusdus Sang Taksaka, di goane Sang Taksaka tuara mampuh, bekbekan di tengah goa, raris mijil pramangkin.
26
