ngangon lembu katepuk, anak tua suba uban, ngaba arit macecapil.
18. Laut ya sada nesekang, ko masabda, "Maman matakon saking aris, cai ngatiang kija laju?, pejalane ngebrasang,", Bagawan Utangka nyaurin alus, "Olas pesan jua i maman, masih matakon majinjin.
19. Ira ngantiang ka Ayodia, pacang mamarek Ida Sang Sawitri, kasengka antuk Sang Guru, mangde ne petang dina, apang suba sida di patapan rauh, kaweh ko ira pamem," Anake tua manyaurin.
20. "Yen cai mabudi enggal, mangde petang dina .sida di margi, ne tain lembune duduk, daar sanguang di jalan, teken panyuhnyane inem anggon sangku, mangdene cai enggal, teked ka Ayodia negari".
21. Sang Utangka tuara tu1ak, raris tain lembune pramangkin, katadah tekening panyuh, nyane sareng kinumang, bau usan mangajengang tain lembu, ajahan Sang Utangka, saget rauh di negari.
22. Raris ngojog ka bancingah, kocap Prabu Posia sedek katangkil, Sang Utangka raris matur, nunas raris ka purian, parek ring Sang Sawitri sadia kautus, pacang nunas kunda1a, pangutus Sang Guru Patni.
23. Kasengkerin petang dina, mangde Sang Utangka matulak malih, rauh ka patapan mantuk, mangaturang kundala, apan pasucian Sang Guru Patni nuju, ne malih petang dina, Sang Prabu ngaturin ngraris.
24. Sang Utangka raris ka, jro pura pacaragayan ugi, naler mangraos ring kayun, dumadak mangde sida, pamargine manyuun kayun Sang Guru, keni polih kundala, busanane Sang Sawitri.
25. Sampun rauh di jero pura, Sang Utangka kocapan Sang Sawitri, apan istri utama kasub, luihing pati brata, tuara dadi kareraban baan letuh, awinan Sang Utangka, tan wenten polih nyingakin.
26. Sang Utangka malih tulak, ka bancingah gagelisan mamargi, parek ring Ida Sang Prabu, matur midartayang, antuke Sang
23
