PUH PANGKUR
1. Kacerita di Astina, kawiryane Sang Prabu tan patanding, ada len buin kawuwus, satua masian~isian, wenten brahmana, ring Ayodia kawuwus, astiti di patapan, magehang yoga semedi.
2. Maparab Bagawan Weda, sisian Ida Bagawan Domia nguni, Bagawan Weda Sang Putus, kocap madue sisia, bau rauh susrusa baktine nerus, maparab Sang Utangka, nyabran di patapan ngiring.
3. Nunas mangde mangaturang, panggurujaga, luih ring Sang Adi, Bagawan Weda tan kayun, nampi panggurujaga, sakewanten Sang Utangka jenek nunggi, Sang Adi di patapan, manitenin sekar sai.
4. Tan dumade raris Ida, Prabu Posia Ayodia siniwi, ngwangun yadnya manuur, Ida Bagawan Weda, dadi masarengan panuure rauh,.Prabu Janemejaya, naler manuur Sang Rsi.
5. Kocapan Bagawan Weda, mitelasang ring Sang Utangka sami, satatan durane sampun, Sang Utangka mariksa, tan carita, Bagawan Weda Sang Guru, sampun lunga kapinang, Sang Utangka mangentosin.
6. Mamriksa di patapan, saletanduran sami katitenin, Sang Guru Patni kawuwus, metu kayune ngeragan, dadi mangarsayang ngajakin maturu, ring Bagawan, Utangka, pradene tuara kairing.
7. Sang Utangka sering mamindah, antuk lintang jerihe ring Sang Adi, Guru Patni mintuhua, anging ring pakayunan, lintang duka naler kakubda, kasekung, kocapan sang kapinang, rauh ka patapan malih.
8. Mapanggih tekening sisian, Sang Utangka lintang susrusa bakti, Bagawan Weda Sang Guru, manyingak tetanduran, sarwa
21
