labuh, ucapan titiange manemah, keni pageh, wakbajran titiange sidi, sajeroning pitung dina.
22. Yan tan Ida Sang Prabu ne mangkin, ngaksamayang, pilih sida tulak, sapan titiange tibe, ", Raris Ida Sang Guru, Bagawan Samiti pramangkin, matur misrengang, ring Ida Sang Prabu, mangdene kayun ngrawesang, ngaksamayang, milaku ring Sang Srenggi, mangde sapane tulak.
23. Kocapan Sang Prabu Pariksit, sereng pisan, tan kayun ngaksama, melingring kagungan, tan pakeweh ring kayun, kasadiayang pisan nanggehin, pangristan I Taksaka, tan ucapan sampun, Bagawan Samiti tulak, kapatapan, makaronan ring Sang Srenggi, kocapan di Astina.
24. Sang Prabu Pariksit pramangkin, mangraosang ring para punggawa, antuk Ida kena sapa, tadah Takasaka nemu, jeroning pitung dina nekain, I Taksaka nyidayang, punggawane saur, masuk matur pacang, nginganang, mriksain Ida Prabu Pariksit, sajroning pitung dina.
25. Tan dumade raris pramangkin, kawangunang, gedong pasangidan, magenah jroning telaga, ilehin api murub, saregep saha sanjata ngemit, pepek manyatur desa, kocapan Sang Prabu, di jroning gedong magenah, para punggawa, makadi para Rsi, pepek sawedastawa.
26. Nyabran dina prayatna mangemit, kacarita, wenten kaucapang, pandita luih saktine, sidi mantra kawuwus, buat ring wisia ulane mandi, Ida wenang manawar, tan dumade luntur, Bagawan Kasiapa, pesengane, kocap punika raris, pramangkin katuran.
27. Sampun meletan dina nem wengi, kacarita, sampun painganan, sengker sapane ne benjang, pitung dina manemu, tan ucapan kalaning wengi, sampun tatas rahina, pitung dina nemu, kocap Bagawan Kasiapa, sampun Ida, sayaga raris mamargi, ngrawuhin ka negara.
28. Tan ucapan bu rauh di margi, kacarita, Sang Naga Taksaka, dening sampun painganan, tutug sengkere nemu, pitung dina pacang mangutil, Sang Prabu di Astina, kalih batekipun, antuk sapane malekah, mangde sida, kawakbajrane Sang Srenggi, Sang Taksaka ngentasang.
16
