tuara ada nandingin, nguda ajine baang, di patapan sungsut,bangken lelipine pineh, patladtad, di bahune kayang jani,masih enu kakalungang.
15. Prabu Pariksit mangalungin, dosan Ida, meneng tan pangucap,apan kari monabrata, saget Ida Sang Prabu, manakenang kidang malaib, keto purwa kandannya, kayang jani enu, ajin i dewa mamona, di patapan, makalung bangken lelipi", Sang Srenggi miarsayang.
16. Raris pramangkin duka tan sipi, saha-sapa, "Kaling ne corah, Sang Prabu palaksanane, wastu apang Sang Prabu, tadah naga Taksaka gelis, sajroning pitung dina", raris gelis tedun,ka madiapada, ajahan, saget kadapetang ajine kari, makalungula tampae.
17. Anging sampun painganan kengin, mlabuyh brata, tutug sesengkeran, Sang Srenggi matur age, saha pidarta metu, leng tingkahe Sang Pariksit, sampun ugi katemah, mangde gelis nemu, katadah antuk Taksaka, keni seda, jroning pitung dina ugi, uli paniban sapa.
18. Dadi kagyat Bagawan Sa ti, amiarsayang, antuke sang putra, dropon ngwetuang sapa, tan pengetan ka pungkur, apan Sang Prabu nyakrawati, raris Ida Bagawan, Samiti masaur,"Duh dewan bapane nguda, sapunika, antuk i dewa Sang Srenggi, dropon ngwetuang sapa.
19. Apan Sang Prabu manyakrawati, mangodagang, jagate makejang, makrama bapa mamuja, antuk duwen Sang Prabu, buat sami iyehe suci, dija bapa manyuang, masih duwen Sang Prabu, awanan bapa mapuja, menginengang, ring Widi, magehang kapanditan.
20. Yadin antuk tongose ne sai, nyen nukayang, masih Ida Sang Nata, apan tuara pisan wenang, mana dingin Sang Prabu, ya din kenken iwange masih, wenang jua salimayang, apan Ida lakun, sai-sai masewaka, melah kuda, andeg i dewa prajani, sapane mangda entas".
21. Sang Srenggi raris matur aris, "Inggih sapunapi, antuk titian kadung, sampun ugi tiba sapan, titiange metu, boya dados mangkin walinin, banggayang pisan-pisan, kadung sampun
15
