14. Sang ayu kadi marasing ati, kasambeyan, dadi katinggalan, wong laki bagus rupane, Raden Mantri andulu, Ni Diah Arini ayu lewih, pada pinendak tinggal, padakena lulut, Ni Rangda wruhing semita, tur angucap:,"Dewa anakingsun kalih, iriki jua i dewa.
15. Puputang periyasih sutrepti, biang mapindah, manabdabang sangua". Anuli lumampah age, Sang Mantri ring sang ayu, punika kari jroning loji, pada mangubda manah, erange ngaliput, Maniguna mangke ngucap: ,"Inggih dewa, Sang Kadi Hiang Cita rasmi, tulia maraga mreta.
16. Suecaning titiyang wong lareng ati, lintang rahat, kadi taru lata, satata kebusa manahe, yan tan sih sang ayu, amelaburin titiyang mangkin, tan bina lungning jingga, yan tan peliangelut, tan sah akosaheng lemah, bendet surya, tan urung anemua pati, durusang sih i dewa.
17. Yan sampun i dewa nyuwecanin, i kalaran, sadera mainguang, ngrehaken kakanta mangke, nggen parekan satuwuk, dadi juru ngawa ceremi, kalih membakta sekar, rikala magelung, boya purun titiyang tulak, inggih dewa, durus kasihta mas manik, akaruan jroning tilam.
18. Yadian ping sapta titiyang dumadi, mangda tan sah, pituwi ping sapta, sahasra malih wetune, mangde sida kapangguh, mangatpada ayunta rari, makaron ring sayana, dados juru pangku". Raris Ida nyuduh madia, sarwi ngaras, sang ayu yatna tan sipi, manyingguk tur manyakar.
19. Sang Mantri tan surud ngasih-asih, nunas ica, sarwi ngaras-aras, sang ayu sanget tangisé, Sang Mantri malih matur,"Jejeh titiyang ratu ne mangkin, mandadi tanah karas, cinaka ring kuku, dekdek ratu awak titiyang". katatonan", Sang Ayu mingser tan mari, kungkab paduning wastra.
20. Maniguna ledang ngambil panpi, linukaran, sampun tinitihan, Sang ayu lesu pramangke, luir wulan wus inawut, warna acum mawuwuh rasmi, raris kapingkalihan, rasa kadi uluh, matemu kalawan sepan, yan rasayang, pucang nyangluh suruh wangi, satanding ring karasmian.
21. Panjang yan tuturang makasami, sasolahan, Sang Mantri ngemban Diah, sampun lami pakurene, watara tigang tahun,
111
