7. Tan bina kadi Hyang Astara-sari, yan rasayang, mijil saking suarga, nyajah kalangon marangke, Ni Rangda alon amuwus: "Inggih dewa sang apekik, sredanta ngampurayang, langgana umatur, Saking paran jua i dewa, kalih wangsa, parabe ndikayang mangkin? mangde titiyang sauninga".
8. Sang Mantri sawune ngembeng aksi, "Inggih bibi, tan uning ke titiyang, ring peradesa Wangsane, uning titiyange sampun, iriki jroning wana giri, manggih lara pataka; pisan angmasi antu, wus waneh nahen duhkita". Ngelad prama, tan mari mangasih-asih, sang katuwoning alas.
9. Ni Rangda kadi nirising ati, yan miragi, wuwus sang kalaran, sadara aris ature: ,"Inggih dewa sang bagus, palilayang larane mangkin, tingkah dadi manusa, suka duka kapangguh, ngiring dewa pamuliha, rumah bibi, wenten sanak i dewa istri, unika aturang biang!
10. Nanging nisrupa lintang acungking, kalih tambet, durung mapaguruan, ri manda bagia manahe, tininggaling guru, sang apungkusan Diah Arini, ica mangampurayang, ring wong lintang dusun, Raden Mantri suka miarsa, kadi arsa, taru lata nganti riris, rikala labuh kapat.
11. Maniguna suka manyahurin, "Inggih bibi, tan panjang ko titiyang, mangiring pisan kahiune, welas, bibi manuduk, titiyang wong kalintang kapir". Ni Rangda mangke ngucap: ,"Meneng sang abagus, ngiring mangke pamuliha, kumah bibi". ,Sang Mantri nuli lumaris, makaronan lumampah.
12. Tan ucapan tingkahe ring margi, glis prapta, ring pawesmanira, Ni Rangda egar manahe, sareng raris umujung, ring paturuan Ni Diah Arini, anuli mangandika: ,"Dewa anakingsun, matangi juwa i dewa, meme mahan, nuduk wong kalintang lewih, rasayang sihaning hiang".
13. Sang ahayu ngrepata matangi, ngusap soca, sarwi ngucap ipian: "Hiang Kama dateng marangke, mawa sara pusparum, tinibani dada tumitih, kantepeng pagulingan, tan mari isning luh, Ni Rangda alon angucap: ,"Iki prapta, sang kadi Hiang Astra-Sari, jati karma i dewa".
110
