71
"Yeh, lali titiang matur, amah jejehe. Taksine, sampun makaoti Tu! Beli Ketut Gunawan benjang mendak meriki!"
"Aruh, tuyuh anake; musti I made mapangidihan ! "
"Ten, Tu; Yakti tan wenten, ten kenten!"
"Men jani, buin dini dadi abada iraga ajak telu, oo, Luh?"
"Icen titiang ring kekasihan titiange nginep, sareng kalih Ratu deriki, linggah."
"Nah, kema ja....... lamun beni buin puikang. Lamun gemes ken anak jele dini ragane pulesang, yan sing, da liu-liu rawes. Da nglawang-nglawanin, kober sing Yang ketoanga."
Wenten sawatara pukul setengah kalih, usah I dayu ngayunang; I Made raris ngiring Ida memargi kangin kauh ring samping tlagane. Angine ngendir, mabar rambut ida, selem, gelgel.
"Aduh, De, tis dini! Bin pidan atehang Made I Dayu ileh-ileh?"
I Made kenyem miragi Ida pangus raris palesipun.
"Mali pidan ja I dayu mapekayun, sotaning dados panjak, I Made boya ja ipun pacang tulak ring sapakayun I Dayu!"
"Baang ja keto I Made panteeees! Namplak-namplak rawes cacep san........... Adi ada kurungan dini, De ? Ada anak Bali dini di pasanggrahan?"
"Anak makingsan manawi, Tu! Manahang titiang tukang kebone Bali. Ten mirib ten ipun Sasak. Aduh, Dayuu,
