65
"Luh, orahin anake ento, kamar anak jele ne ngudiang nu ngajongot dini, lalahina nyen, ketoang!"
I Made iring pangandikanida, raris mesuang ipun.......
Wenten kalih jam, Ida tan medal-medal. I Made semengne sampun naur pasewa ring taksine sane muat ibi sore, tur motor punika sampun makaon. I wau wenten surat kekasihanipun saking Mataram, dane kocep pacang mapagin I Made ka Suranadi...........
I Made wenten sampun rangkung ring atengah jam ring sor taru campakane negak, makta bukunnya, na-nging tan pisan seleg mamaca, wantah paridikane wau kewanten kaigun antukipun...........
I Sari jag rauh ipun.
"Aduh, beli Made, ilang kanti gelem tiange ngencanin I Dayu. Bukunidane dadua sabatangida tawang -ka natah kamare, suba mapenpen Ida, ne kone sewan - motor ibi........... Apa sih, beli Made? Tumben I-da, kone? Kekenkenang sih anake?"
"Aduh, beli anak ukuh maguyonan tawang; Ida je-nenga ngalap teleb. Kenkenang beli. Saja ja pelih - beli ngrawes. Nanging led omong beline guyu."
"Data-ne dabdab beli. Jani Ida makayun lunga . Ne sewan motore ibi, jani Ida kone nyewa motore lingihin Ida ka Mataram ka Pasanggrahan; nyanan Ida kone naur sewane mapagin beli mai!"
"Duka pesane Ida, oo, Luh? Saja tumben beli ne-pukin Ida duka buka kene. Aturang bin jinahidane
