Kaca:Malancaran ka Sasak.pdf/69

Saking Wikisource
Kaca puniki kavalidasi

61

toanga nyen, iyab muane, awak saja sing ngelah.....Yeh, len ja rawese buin. Unduk Madene ngiring Ida. Men, kenkenang beli men jani? Dija aturin?"
"Saja! Jabin dini iring Ida buin, kenkenang?Ma-kelo tamiun beline bakala?"
"Sing, tu apeteng. Mani kema ja suba iring Ida, yan kangge antuk Ida. Nyen parabidane, De?"
"Dayu Priya."
"Dija maan masekolah? Di Bali dogen?"
"AMS, ba beli Ketut! Be, rapotidane panyuud,ngengonin! Ngutangin karirihan. Sat masambilan Ida ma-suk, buku len-lenan ja pawesinida. Bin ane buatbuat, wayah-wayah. Nang ja beli bin pidan ka grianida a-jak imbok, jani suba ja pada tawang.
Bibliotheekidane, aduh, nyud baan ngenot. Bin ka-tuukan Ida teken Ajinida, yan buat jinah numbas bu-ku. Tahen maguyu-guyuin Ida. "Ratu dados ten nganggen "kedengaluh" beros? Anake istri, luh, lianan saling pagungin pangangge. Ratu kekene nganistaan angga pisan." Kene lantas Ida ngandika, "Made tandruh mara keto. Made dadi adi onyang bekele beliang buku Kadena sing nawang! Made tuah petang stel ngelah pakean, kamen tu dadua! Keneh pada len, De, goba len, kenkenang patuh kenehe. Aruh, yan cara Yang, ada sing gunana pagerneng-gerneng. Yan Yang nyak nunas teken I Aji, dong sida antukida numbas. Siiing, sing perlu Yang, adenan meli buku!"
Nanging I Made tan tegep antuka midartaang pa-