51
Raris ngranjing Ida ka kamar, dapetanga I Sari negak matengkuluk anduk.
"Men, kenken, Luh? Dong, dong di padesaan gelem I Luh!"
"Aruh, Ratuuu! Titiang nyarantain pamargin Ratu mangkin lunga."
"Kebus dogen? Sirahe sakit? Kopi ada diwang, ngidih?"
"Aruh, pelut ten antuk titiang pesu, napi. Enduk ood titiange!"
I Dayu raris ngambil cangkir raris kecorin Ida kopi.
"Luh, sing demen teken susu, da ba jangina susu nah?"
"Ten, ten purun makenten-kentenan. Akedik kemanten ja ican."
"Be, makejang ngayahin I Luh jani. Ibi sanja kudianga teken I Made?"
I Luh tan durus nginem kopinipun mandreng gustinnya, paninggalannya sakadi jengahe.........
"Be, pedih I Sari, salah tampi suba, sontok jidatne ne. Sing, sing keto keneh Yange, kudianga teken I Made, tulungina? Depina?"
Wau I Sari magreos nginem kopi, raris matur, "Ratu, alah kurenan tangkepipune ngencanin titiang. Ratu sirep, titiang ukuh nunas tamba, purun ten tanginin Ratu."
"Sing nyak I Made ne demenin, sing ngelah ku-
