49
ipun malih kedek.
Wenten malih atengah jam kelik-kelik paningalan-nya, klesah-klesih ipun, bading kauh tidong, bading kangin boya, irika ipun ring anake istri di ranjange tur ring I Luh Sari, makakalih tis sirep, pules. Pa-muput ngidem ipun tur ngengkis angkihannya.......... jantos benjangnya semeng. Kantun ruput ipun pinih rihina bangun.
I Made nenteng koper, baktan ipun ka kamare ring samping telagane genah anak masileman, irika ipun masalin tur malih ajahannya macebur ipun ring telagane, masileman, nglelangi, macimplungan newek.
"Pagi-pagi sekali, Tuan!" Asapunika piranginipun madore mapajar.
"Ya, Pak. Enak pagi-pagi mandi. Saya harus bayar lagi jika mandi disini?"
"Setali, Tuan! Tarip tetap."
Malih I Made nyilem, krabak-krubuk. Mandore ma-kaon ka dapur pacang ngragiang tamiunipune kopi.
Wau I Made makaon, I Dayu tedun saking ranjang punika, raris nyorjor ring genah I Luh Sarine nying-krung tur cunguhipune pecik-pecik ida; kadung sampun tama Ida asapunika. Yening rihinan Ida matangi ring panjeroanida, jag pecikida cunguh Ni Sarine. Sane sampun-sampun gresiah bangun I Luh yan sampun marasa cunguhipun kapecik. Nanging mangkin tan wenten ipun enten, raris makayun ngamalihin I Dayu sambil Ida i-ca. "Adi tumben ketil I Luh bangun."
