Kaca:Malancaran ka Sasak.pdf/55

Saking Wikisource
Kaca puniki kavalidasi

47

"Cara dija nyak sing."
"Iiiii, to, banggi, I Luh."
I Luh kedek, I Made sareng kenyem.
"Aruh, da pedih nggih beli Made, buduh baana , sakit pesan teka tendas tiange. Nguda ten melurang ubade?
"Nden anake malu."
Jantos oyog-oyog I Made nehen-nehen sirah I Luhe, wenten malih dasa menitnya pakrining peluhipun I Sari ring jidatnya.
"Nah, jani, nyak pesu peluh, nden te Luh. Saput belina anggon, gemen, Luh?"
"Beli napi kanggen?"
"Ento beli ngaba mantel. Nah, ento kasure Luh suba .nganggon bangunang ragane malu, gosonganga ja. Nah, keto ya..........! Nah ne kasure Luh ja nyare-in, beli medemin tikehe."
"Mimi, ten, beli Made nyak sing tiang kenten ; beli matikeh akebis, tiang......... aduuuuuh."
I Luh ngarang sirahnya, paelenganipune tahen i-pun.
"Nah, te Luh. Melah ja keneh beline makasur; Luh gelem, nyen isepa teken semene."
"Aduh, beli Made, adi tresna pesan ja, beli..."
"Apa? Nyen kalih I Raka katunden mai. Nah, ne-galeng gulinge kanggoang jangkutin........"
"Data rawesang beli, mimi........, peluh tiang. Kraman? Mati teka tiang, sing, beli Made?"